一直圍繞住同一個話題,唔覺得咁樣根本冇實際既意義咩? 我而家唔係台大,實際既情況我唔清楚 所以呢篇文唔會對港澳會既功過作出評論 我希望就雙方態度方面俾d個人既意見 對於批評既一方,我覺得其實可以俾多d同理心 可能港澳會有時候做得不盡如意,有不足既地方 幹事要盡力係繁重既學業同港澳會既事務之中取得平衡 佢地唔係完人,唔可能咩都做得盡善盡美,面面兼顧 但係我深信有心出黎做既,都會盡力去為各會員服務 試問俾著你係幹事,自己明明就有努力付出過 但可能因為一d誤會,結果就得唔到人地既認同,你自己又作何感受? 我覺得予其不斷去抱怨 不如多d從對方既角度出發,諗一諗人地為自己付出左幾多 感受下人地既辛酸、體會下人地既難處 係發表意見之餘,可以俾多一分鼓勵,少一分批評 咁樣對彼此間既關係唔係更有益處咩? 至於做幹事既,我諗可以多d聽下唔同既意見 其實你出得黎做野,真係要預左俾人插 就好似我上面講過,你地唔係完人 有時做得不盡完美,可能真係照顧唔到全部人 咁樣就可能令到部份人感受唔到你地既付出 因為咁你好難要求所有人都對你地既付出有所認同 有d反面既聲音,我諗咁樣無可厚非 所以我覺得可以多d虛心去聽下唔同既聲音 就算再難聽都好,你咪當做一種另類意見囉 諗一諗,會唔會真係有d地方做得唔係咁好、做得唔夠? 或者係咪有d咩疏忽左既地方? 不如試下收集、整理好呢d負面既意見同批評 研究下點樣可以避免以後再出現同樣既問題 咁樣我諗可以免除左好多誤會 其實最重要既一點就係要互相尊重 多d從對方既角度去諗 「嚴以律己,寬以待人」 我諗大家都係大學生 一定可以溝通到既~ 共勉之 --

※ 發信站: 批踢踢實業坊(ptt.cc) ◆ From: 219.79.137.53