※ 引述《eeyore128 (eeyore)》之銘言： : 首先,多謝港澳會既代表解答左我既疑慮,雖然不盡滿意,但係起碼有回覆到 : 然後,我想講下我係依二日黎睇完港澳會板既感受... : 我自己係大四生,每一屆珍珠盃我都會為自己既學院出一點力,亦都累積左 : 三次既參加經驗,同往年比,到左依個階段,今屆的確遜色左。今屆港澳會 : 由會長選舉到珍珠盃既舉辦,宣傳期實在係好短,希望可以改善。 : 然後,我唔明點解詢問分組方法,表達不滿,可以係咁衝,咁大脾氣之下黎詢問 : 的確,幹事有佢地辛苦既地方,佢地無人工,出黎服務,如果對活動不滿,可以 : 表達,但係唔係要用d 咁既語氣,我唔想指明道姓邊個,亦唔需要對號入座,只係 : 大家係要互相尊重,你唔係人地上司,無可能連互相尊重都唔知,另一方面.關於珍珠 : 盃既問題,有二日咁耐,港澳會既回應,的確係太慢,亦唔只一次。 : 睇到d 推文,回文,如果係一個路過既台灣同學,或者其他人,只會覺得港澳生真係好嘈 : 好嘈。依兩年(今屆同去屆)每次聽到身邊既人討論港澳會既活動,都係有不滿既地方,可能有 : 港澳會既幹事會覺得我地依d會員識講唔識做，但係我地的確有交會費，有支持到港澳會 : 有義務，當然有權利，唔可以全部既批評都以會員唔識野，唔體諒咁就算。 : 有時一個活動個透明度唔夠，就會招人話柄，如果一開始無講清楚，就唔可以話人地 : 吹毛求疵。因為唔清楚總要問。 : 仲有一件事，係今年９月６　日，今屆既大一生來台既大日子，我自已一直全程跟住我自己 : 既學妹，到左凌晨一點多，港澳會既幹事仍未見人，我要係到多謝三原（唔知係咪咁打） : 我見到佢好疲倦都仲係度收資料，但另一方面，我亦聽到有幹事係樓下談天說地食葡撻， 如果真係有好既建議,同以往處理手法唔同既提議,一定要好好咁講下,好好咁規劃清楚, 唔係一句講唔清楚定聽唔清楚,就可以解決,咁龐大既資料收集,本來就會好混亂,加上大一 既學弟妹可能會唔知點填,有疑問,集合哂d 人落黎,邊度有位寫野,個日,我係 大一女個間房,四個學妹一直問我,可唔可以去沖涼,定係要等港澳會既幹事,由11點問到 12點半,後尾頂唔順沖完涼啦,都等左成個鐘,三原幹事佢仲好好耐心咁同學妹解釋要收咩, 點填,要留意d 咩重要事項,我唔知大一女除左三原仲有無人掃房,但係明知原先方案 行唔通,行返舊方案又唔夠人,然後一群人係樓下唔知做咩,我後尾離開個時,我只係見 到一群講廣東話既人係到有說有笑,個對比太大,希望以後如果要試d 咩新既處理方式 方案,首先評估下個可能性,港澳會既幹事除左得到經驗同他人認同之外,就無其他回報, 但係,你地唔可以以人地既時間,作為你換取經驗既機會成本,又或者事後檢討,承諾以後 會改善,結果,混亂一直咁重覆,定係要講,年年都係咁,我記得,我大一初到台大個時,個 流程好順,由接機到到宿舍,到有學長捱義氣搬行李等等既表現,都令到我個時覺得,港澳 會真係好唔錯,但到左舊年,無人負責係澳門接大一學弟妹,到左中正機場先有人接,然後 返到宿舍又因為少左一個影印本而受到某幹事苛責。每年開會每年檢討每年重覆,個樣做 好,但另一樣又漏。 另一件事,幹事邀請會員到星期五既大會去討論,係真定假??我自問無去過 我無去過,其他人原因,我唔知,但係我自己係認為,就算我去左,講左個意見出黎,到最後 一樣係無改善,可能係我無信心。 其實到左開學咁耐,我連會長係咩樣我都唔知,之前港澳會選會長,必定會掃房,後來變 派傳單，寫住「多謝各位支持我成為會長,以後我會好好...」,到今年講一聲要選舉啦 二日後選~我個一刻真係覺得,個選舉係無意義,結果我無去到,我身邊約十個港澳生朋友都 無去,或者有人覺得,無人肯挺身而出幫手,但係,點解佢地唔肯幫手?一 會員態度 二 自己諗既同真係可以做既唔同。 最後我希望,係本人既文章下推文討論既無任歡迎,只係,我唔想有不理性,態度欠佳既推文 我唔想捲入罵戰,而係誠心咁將我作為一個會員既感受講出黎。 : 我唔知件事係咪真，但係我相信港澳會仲有有熱誠既幹事，只是我相信唔係全部都係。 : 至於剛剛見到個篇關於會長同會員爭執既文，我覺得如果真係有肢體衝突，就唔應該po, : 依件係你地之間既事,文中已講左有「火藥味」,po係度係想點,如果係要追究,就去追究, : 唔係一句「會長叫你po」就可以解決,唔通會長叫你做咩就做?無可能既事啦,依度係港澳 : 會版,係比港澳生討論,聯絡,溝通既版。 : 最後,希望港澳會會務順利 : 一個大四生 上 -- 完場就遠走 變心的野獸 為何離別你 比死更是難受 --

※ 發信站: 批踢踢實業坊(ptt.cc) ◆ From: 140.112.227.9