《晝顏》拍續集傳堀北真希接演出軌主婦 建立時間: 1102 18:52 http://i.imgur.com/b6it9KQ.jpg 《晝顏》傳會拍續集，仲會大換角，搵堀北真希代替上戶彩。 日本富士電視台去年夏天播出嘅日劇《晝顏》，雖然平均收視13.9%都唔算話好高，但係 就話題性十足，因為套劇講寂寞主婦出軌，而且都有啲大膽鏡頭，喺日本成為咗熱話，主 演嘅齋藤工仲突然爆紅，做咗新師奶殺手。據日本報章《東京SPORTS》指，富士台正計劃 拍攝《晝顏》續集，先會喺今年底播出特備劇，明年再播連續劇。 上年套《晝顏》女主角係上戶彩加吉瀨美智子，而上戶彩今年8月尾先至做咗人阿媽，唔 會咁快再拍劇，所以就會換角，換邊個？就係今年剛剛閃電下嫁山本耕史嚇親大家嘅堀北 真希！ 該報指富士有意搵堀北，因為佢都已經係人妻，而且相信亦夠話題性，至於吉瀨美智子個 角色，就會由廣末涼子取代，同樣具話題性。男角會保留齋藤工，可能會加入山田孝之等 。不過，要集齊呢啲演員都唔易喎。 http://i.imgur.com/ZhiZ1UL.jpg 由吉瀨美智子及上戶彩扮演出軌主婦嘅《晝顏》，係上年話題日劇之一。 http://i.imgur.com/cYwpO4a.jpg 如果真係搵新婚嘅堀北做出軌主婦，又真係幾出位。 http://i.imgur.com/o2vjffh.jpg 廣末涼子有傳會接演吉瀨個角色。 http://i.imgur.com/9qKD9tT.jpg 齋藤工憑住《晝顏》爆紅。 http://i.imgur.com/9YT2xEM.jpg 劇中都有啲大膽鏡頭，據指拍續集仲會再加鹽花。 來源連結： http://goo.gl/nLLQJU --

※ 發信站: 批踢踢實業坊(ptt.cc), 來自: 125.227.216.139 ※ 文章網址: https://webptt.com/m.aspx?n=bbs/MakiHorikita/M.1446513555.A.B56.html ※ 編輯: hsiaohsian (125.227.216.139), 11/03/2015 09:19:40