951206 東方日報 楊千嬅上月底約滿金牌，過檔東亞已成定局，前晚千嬅豪擲萬多元兼帶備洋酒宴請同事， 梁漢文、方力申、四位餅女、側田和老闆黃高畀面出席，但千嬅依然玩避忌，以聖誕快 樂掩飾farewell事實，可惜卻被多口的側田踢爆。 據知，東亞老闆林建岳親自出面斟千嬅過檔，千嬅有感自己在樂壇已穩坐一姐寶座，希望 在影壇上更上層樓，達成影后心願，不惜與共事五年半的黃高（Paco）結束賓主關係， 將於明年正式過檔東亞。 統一口徑鬥扮懵 前晚千嬅在尖沙咀海都包下三圍，宴請並肩作戰多年的工作人員以及同公司歌手，除古巨 基綵排外，過氣男友鄭中基亦冇到，飯局七時開始，主人家千嬅卻八時才出現，見到記者 愕然說：「乜事呀？好驚！」問是否farewell？千嬅扮懵說：「聖誕快樂。」即一支箭標 入酒樓。 金牌歌手配合千嬅全部詐傻，最早到場的梁漢文說：「大家食餐飯聚餐囉。（千嬅過東亞 ？）我發誓從來冇問。」Stephy和Kary亦說：「肚餓咪就食飯囉，真係唔知。」Theresa 和Miki則說：「唔知farewell，公司話千嬅請食飯。」只有側田漏口風：「祝福佢一切順 利，我們關係唔會有變，繼續寫歌畀佢。」 Paco坦承失望 據知，席上千嬅和Paco並排而坐，兩人都帶了威士忌到場盡歡，Paco有事早走，千嬅與一 眾歌手食到酒樓關門才離去，飲到臉紅紅的千嬅情緒高漲，伸手舉雙V繼續扮懵說：「聖 誕快樂，同公司預早食餐飯ｼ。（係咪farewell？）娛樂圈冇farewell，一入侯門深似海 。（Paco有冇臨別贈言？）冇臨別，總之適當時候應該講就講。」 而Paco昨日接受電話訪問說：「如果今次冇緣分再合作，祝福佢。（有冇失望？）話冇就 講大話，佢咁大個人，咁有資歷，搵到咁有實力公司，在電影上幫到佢，事實上我們呢方 面做唔到。（千嬅係咪過東亞？）佢冇講。（捧邊個上位取代千嬅？）楊千嬅呢刻冇人可 以取代。」 --

※ 發信站: 批踢踢實業坊(ptt.cc) ◆ From: 140.113.94.184