閉上眼睛，讓時光倒流... -- ＊＊唐生地位僅次亡母＊＊ 太陽報 (10/24/1999) *哥哥：佢幫我睇住盤數* 張國榮與唐先生的好友關係早已不是秘密，昨日哥哥（張之暱稱）在電台訪問中，公 開表示唐先生是其生命中最重要的人之一，哥哥的財政更全盤交予對方處理，可見哥哥對 唐先生是如何地信賴。而哥哥今日在尖沙咀舉行的巨型海報簽名儀式，吸引逾六百人圍觀 ，更有警察封路，讓哥哥順利簽名，認真巴閉。 畏高的哥哥坐吊臂升至四樓高為海報揭幕，期間十分風騷，不時向市民揮手。 自張國榮在九七年個唱中，以一首《月亮代表我的心》憑歌寄意贈好友唐先生後，昨 日商台播出查小欣訪問哥哥的內容中，他再次肯定對方在其心目中的地位，可謂情深義重 。 話說當哥哥被問到其生命中最重要的三人屬誰時，他本以私人事為由不願答，結果哥 哥表示：「第一個係媽媽，佢生我出o黎見呢個世界，我唔會多謝我爸爸，我地冇乜感情。 」 「再o黎就係我好朋友唐先生，佢畀到好多意見我，無論工作上同其他方面。以前我好 衝動，依家就可以好冷靜。佢又幫我睇住盤數，我自己唔識打理財務，佢o既學識，對呢方 面o既認識，好多時幫我做到Decision Making （做決定）。仲有係六姐，佢義無反顧照顧 我屋企人，三百蚊人工又要湊埋姑仔。」 既然財政由唐先生處理，哥哥在投資方面亦聽從好友意見，問他何解租樓卻不買樓， 他說：「唐先生話依家市道，樓價係一個循環，有好價就好賣，有好（樓盤）吸引，我都 會買。」 *寄語蔡楓華* 提到常表示要與哥哥舊的蔡楓華，哥哥說：「當年佢講o左句（一剎那光輝唔代表永恆 ）未必係指我，有報道話可能係畀陳百強，總之我唔使評論，我勸佢如果想做呢行就要畀 人感覺到佢有誠意。」 此外，哥哥今日到尖沙咀某唱片舖，為其四層樓高巨型海報揭幕及簽名，吸引逾六百 市民圍觀，唱片舖怕秩序混亂，預先知會了警方，警方派出數名警員到場，雖未有正式實 施封路措施，但當哥哥出現時，警員還是不讓車輛駛入，以方便哥哥進行簽名儀式。唱片 公司為了哥哥及途人安全，更買了千五萬港元保額的保險。 --

※ 發信站: 批踢踢實業坊(ptt.cc) ◆ From: 210.85.7.156