＊＊哥哥敢愛值得喝采＊＊ 　 蘋果日報 (08/16/2000) 張國榮演唱會中公開自己性取向，尾場演唱會結束後，明知狗仔隊死跟，佢一樣好自 然咁同唐先生一齊返屋企，唔介意俾人知佢同唐生同居關係。 好明顯張國榮已經豁出去，唔會好似以前咁，怕人知道佢性取向，哥哥（張國榮）娛 樂圈咁多年，可以話名利雙收，又搵到真愛，佢都應該冇乜所求啦！ *不再避忌* 以前Leslie（張國榮）為保持偶像歌手形象，俾人傳佢係同性戀者，佢例必否認，當 然亦唔敢同唐生公然去街或出席公開活動啦！家佢唔係偶像歌手，人又大，外間對性觀念 比以前開放，同性戀已經唔係一回事，就算歌迷知道哥哥同唐生關係，一般都唔會反感， 反而係好接受。 *美好伴侶* 其實唐生同哥哥都幾襯，兩個都係靚仔，唐生為人斯文有禮，哥哥身邊朋友都對佢有 讚冇彈，唔怪得佢兩個可以維持咁多年啦。家哥哥可以光明正大同唐生出雙入對，佢一定 好開心。 馮仁昭覺得其他同性戀藝人、名人，不妨學習關錦鵬或哥哥咁毋須再掩飾自己性取向 ，世上都係得男人同女人，唔鍾意異性就係鍾意同性啦，真係冇必要用有色眼鏡睇佢。 --

※ 發信站: 批踢踢實業坊(ptt.cc) ◆ From: 210.85.7.156