閉上眼睛，讓時光倒流... -- ＊＊張國榮加盟環球儀式網上直播＊＊ 東方日報 （06/30/1999） 張國榮將於本周六（七月三日）與環球唱片公司簽約，為隆重其事，儀式將會配合網 上直播技術進行，讓全球歌迷可以透過互聯網第一時間看到哥哥簽約盛況，當日更會廣邀 亞洲傳媒如日本、韓國以至星馬等地傳媒出席見證這樂壇盛事。 問到環球陳小寶是如何打動哥哥加盟？他說：「主要是以前彼此在新藝寶合作過，（ 佢）對以前合作有信心，而寶麗金變環球後，趁此重張旗鼓邀請巨星加盟。而且當年大家 合作是哥哥高峰，希望再次合作闖另一個高峰。」 在八十年代，哥哥與阿倫鬥得難分難解，如今大家都在同一公司旗下，環球會如何平 衡他們呢？陳小寶謂：「我Handle到，唔會有太大問題，我同阿倫傾過，何況當年都係因 為大氣候係咁，逼住做死對頭。（會否安排佢合唱？）會，但仲諗緊形式，始終兩個巨星 合作係要有驚喜。」 *哥哥係無價寶* 之前哥哥簽約環球的身價有兩個傳聞，一個是二千萬，一個是五千萬簽約兩年，到底 那個傳聞是真？小寶謂：「係秘密，但梗係唔會少啦，呢好難衡量，哥哥對我講係無價寶 。」至於哥哥會否是環球最高身價的歌手？小寶說：「呢個唔答得喎，總之佢係高價批啦 ！（咁高價批包括學友，阿倫啦？）可以咁講。」他又透露，哥哥的第一張唱片將會在九 至十月間推出，以廣東歌為主。 對於哥哥加盟環球，阿倫強調十分歡迎：「我係一個好豁達歌手，以前只係歌迷鬥， 我同Leslie一直冇心病，大家係好朋友。」 至於小寶話簽哥哥時曾跟阿倫傾過，阿倫聞言後慎重的說：「千祈唔好咁講，我都係 好後期至知，公司行政與我無關。（你係環球一哥，若哥哥加入，你會唔會爭一哥個位？ ）梗係唔會，根本冇分一哥定二哥，唔會有衝突。（聽聞你會合唱？）未知，同邊個合唱 都唔介意，同Leslie合唱都好，有新鮮感。」 --

※ 發信站: 批踢踢實業坊(ptt.cc) ◆ From: 210.85.7.156