閉上眼睛，讓時光倒流... -- ＊＊張國榮開列條件收黎明入室弟子＊＊ 明報（03/03/1994） 張國榮十年如一日的青靚白淨，真叫人受不了－－又羡慕又妒忌嘛！ 不是靚女才享有這種受人艷羡妒忌的權利。 連自詡是張國榮徒弟的黎明，一站到『師傅』的身邊， 高大俊朗的他，也一樣搶不了張國榮的光芒和風頭。 『天王』若此，亦要甘拜下風吧 　 　 張國榮 & 欣子 欣：黎明口口聲聲說你是他的師傅，到底有沒有正式拜師這回事？ 榮：拜師？我重未諗過收徒弟！黎明不錯，但未夠勤力，不夠用功，他本身的聲線好，可 以更進一步，他要認我做師傅？叫他勤力一些啦，我先肯認他做徒弟。 (張國榮比黎明年長近十三年，無論年齡、資歷、經驗、名氣，都足可以師徒相稱) 欣：今天劉德華與黎明之爭似乎一如當年你與阿倫的局面，有沒有這個感覺？ 榮：無啊。根本時間和形勢都不一樣，怎可以拉埋一起講呢！ 欣：你對今天香港流行樂壇有何看法？ 榮：嘩，在歌唱方面，自問已經脫節，不再介入，我連樂壇很多新歌手都認不出。 欣：但外面有人講，阿倫特別幫華仔，而你就對黎明特別friend D咁！ 榮：咁講又係唔公平，對事而非對人嘛，阿倫幫華仔，好自然又好應該，佢地相識時間長 ，我對黎明亦非特別friend。其實，佢亦係被人擺上?，一切都被安排，身不由己。 欣：其實你同四大天王?交情有無分級？ 榮：話一視同仁乃騙人。我同學友、華仔合作過拍電影，相識時間較長。自不然熟落些。 但諗落相處上又有些不同，同學友就係兄弟相稱，好好口既朋友，可以好自然、隨便 ；同華仔做過拍檔演戲，朋友囉！(朋友亦有分深淺，張國榮雖未明言，卻也應是一種 表態吧)！ 欣：咁黎明與郭富城呢？ 榮：與城仔比較少交往。LEON呢，佢唱我作?歌，我亦有提過意見，就係咁。 欣：對于四大天王?局面點睇？ 榮：其實我好唔想你問這個問題，亦唔想答。我覺得樣樣都要拉埋他們一齊來比較，實在 是相當殘忍一件事，好似頒獎禮，講真的邊個上台都被玩到殘，真係好陰功。 *只差未去公廁剪綵 歌星幾乎全無自尊* (用到殘忍、陰功如此字眼。不過，未見張國榮激動到咬牙切齒。今時今日，他完全可 以以局外人的身分，用局外人的眼光，去看歌壇的龍爭虎鬥)。 榮：想落還是我們那年代做歌星矜貴一些，要宣傳才出騷，而且還可以有權揀擇，譬如不 想與阿倫同台演出(免生尷尬)，也可大大方方表示態度，各有各做，無須一定要在台 上被人比較。但如今歌星，哪有自主權，什麼騷都要出，只差是未去公廁剪綵而已。 歌星幾乎全無自尊。 欣：你這麼一說，覺得做歌星都幾慘。 榮：時代唔同 左，以前點辛苦都有得抖氣，現在做歌星，一大班在後面build up，無辦法 唔搏晒命。有機會就要搏出鏡搏見報，簡直係無得停，最弊係本末倒置。 欣：此話怎說？ 榮：做歌星不是集中全力唱好歌，而要做大多與唱歌無關的種種活動，諸如為電台、電視 台做騷出鏡、出席歌迷會聚會等等。時間都被佔滿了，根本沒有任何時間去進修去吸 收。 欣：那豈非很不正常！ *歌壇怪現象* 榮：(歌手們缺少進修時間，張國榮無限感慨)此乃香港之怪現象，甚至做歌星，起碼要上 聲樂堂、練聲、練氣、學舞，還要不斷睇人 做騷，吸取人家的長處，好似阿梅，佢最 叻亦最勤力就係睇騷(中外騷皆睇)，從中偷橋。 我最好的一個騷，也是從外國騷中偷 得好橋。但現在的歌星，根本無人會為他們設想及安排這一方面，只是拼命催谷知名 度，演唱技巧反成次要。 (今昔對比，張國榮並無晞噓，也無感慨，但他不無自豪的 表示：退出樂壇是有先見之明。絕不後悔，也無悔今生)。 欣：現在你把主力放在電影方面，《霸王別姬》更為你取得極高榮譽，是否更有野心在電 影闖出新高峰？ 榮：此乃必然，今天拍戲，不是為了賺錢，當希望拍高質素有分量的電影，得了金球獎， 自是寄望取奧斯卡，人同此心嘛！ 欣：接戲有什麼條件？ 榮：揀導演揀對手，始可保持質量。今時今日可以講一句，找我拍戲其實不化算，我開價 高，但無票房保證；不過，我有外埠市場。票房不會標升至幾千萬，又不會跌落幾百 萬，勝在平均，每部片都會收千幾二千萬，是否用得過，各人心中有數！ *採訪後記* 人到無求，自是瀟灑，冷眼看紅塵，心中不沾塵。今天的張國榮，漂亮俊逸如昔，添 了的是一份灑脫和不羈！ -- 資料來源：明報 Leslie Cheung Cyberworld --

※ 發信站: 批踢踢實業坊(ptt.cc) ◆ From: 210.85.7.156