【闊別五年】黎明四月再開個唱 繼續玩嘢變大花面 http://hk.apple.nextmedia.com/enews/realtime/20160206/54733374 http://static.apple.nextmedia.com/images/e-paper/20160206/large/1454744533_44c3.jpg Leon 2016年演唱會巴士車身廣告 正所謂新C坑都有幾日香，黎明（Leon）自從今個月中開咗個facebook戶口後， 玩得真係好開心，三日唔理兩日就post啲新嘢同網民開心share下，而最受網民 歡迎嘅，莫過於佢上載自己喺橫店拍戲期間，一邊揸車出發去開工，一邊rap歌嘅短 片喇，到依家為止已經有二千八百幾個分享，點擊人次仲達到七十三萬人次咁多，認 真犀利。 一直以來都有唔少網民話好期待Leon開talk show分享金句，之但係要Leon 開talk show好似係天方夜談啵，如果係演唱會呢，大家就唔使等好耐喇，事關繼 2011年尾嘅《Leon X U演唱會》，Leon四月就會開騷喇！真係要學Leon咁 rap返幾句...Yeah...Yeah好嘢...鍾意就鍾意，唔鍾意就鍾意，唔好講埋 啲咩L-I-K-E！ 《蘋果》今日喺唔同嘅巴士車身上，發現咗一張塊臉同右眼都變咗綠色嘅Leon大頭相 ，相嘅左、中、右仲分別寫咗「Tiffany&Co 黎明LEON 30th ANNIVERSARY」、 「APRIL 28th」同「RANDOM LOVE SONGS 4D IN LIVE 2016」呢 堆字，重組返啲字，即係Leon會喺今年4月28日開一個叫 《RANDOM LOVE SONGS 4D IN LIVE 2016》嘅演唱會啦！ 不過，呢個廣告貫徹咗Leon一向風格，就係高調得嚟有啲低調，因為成個廣告入面完 全冇提個騷會喺邊度開、開幾多場同埋票價，咁點樣先可以買到飛入場睇？去邊度睇？ 睇嚟又係時候引用Leon嘅金句－－有緣會睇到，冇緣嘅話之後都會睇到！ 咁大個廣告，咁多位寫字都唔寫清楚？好明顯就係主辦單位想喺首輪宣傳賣下關子先 啦，唯一可以肯定嘅係4月29日林峯已經喺紅館開騷，所以Leon呢個4D演唱會一 定唔會喺紅館開喇！ Leon早前喺一邊揸車一邊rap被網民瘋傳 http://static.apple.nextmedia.com/images/e-paper/20160206/large/1454744538_a884.jpg Leon喺fb post咗條玩嘢片同大家拜個早年 http://static.apple.nextmedia.com/images/e-paper/20160206/large/1454745170_3a4a.jpg 扮財神但係口腫面腫 http://static.apple.nextmedia.com/images/e-paper/20160206/large/1454745171_2bc5.jpg 仲凸晒眼講新年快樂 http://static.apple.nextmedia.com/images/e-paper/20160206/large/1454745173_3c20.jpg --

※ 發信站: 批踢踢實業坊(ptt.cc), 來自: 111.252.45.157 ※ 文章網址: https://webptt.com/m.aspx?n=bbs/Leon_Lai/M.1454751833.A.589.html