新年大想頭!! 深田恭子希望年年15歲!! 舊年深田恭子曾經公開話過唔希望"長大成人";踏入02年,恭子接受傳媒訪 問,佢除左回顧過去一年既生活外,竟然進一步話想年年15歲......莫非恭 子唸定以後用鴕鳥政策去回避年齡既尷尬問題? 01年驛馬星動 恭子話01年, 係佢驛馬星動既一年,年初為拍寫真去左巴黎,跟住又為宣傳 同拍劇,去過台灣泰國同韓國,單係香港已經因為拍<大胃王>同日韓合作既 <Friends>,先後o黎過兩次,仲引起哄動添!連佢都估唔到自己o係香港原來 咁有知名度,直情有種受寵若驚巴感覺! 轉行做翻譯 因為日韓合作既<friends>同埋年中<Frighting Girl>同韓國演員合作,令 恭子唔止認識左新朋友,仲令佢學多左一種語言,收穫非常豐富,最初o係<F -righting Girl>入面,佢都係玩玩下咁每日學幾個生字,後來越記越多,到 拍<Friends>既時候,已經開始可以學以致用,有時同元斌傾計,唔使透過翻 譯都可以直接對話,有時候日韓工作人員溝通出現困難,恭子仲可以幫佢地 一把添!真係估唔到恭子咁有翻譯天份,睇o黎佢唔做女優,都可以考慮轉行 做翻譯! 見到瀧澤最搭糖 至於01年令佢開心既事,恭子話係可以同瀧澤秀明再次合作拍<S.O.S.>,佢 地o係97年首次合作拍<新聞女郎>,當時既監製已經話過佢地兩個將來一定 會擔正,依家唔單止實現左呢個預測 ,仲可以同台演出,連恭子都覺得好不 可思議!雖然一段時間冇見瀧仔, 但大家向來有用E-mail或者電話聯絡,而 家再次合作,就好似見番個老朋友咁,感覺非常親切! 希望做豬腩肉 雖然恭子01年11月2日至足19歲,但到02年既成人式,佢已經可以稱做20歲, 算係一個大人佢舊年高中畢業既時候, 雖然有D依依不捨,但唸番唔使返學 同工作兩邊忙,都覺得輕鬆左好多,快將成人既恭子仲話"唔想大", 希望年 年都保持15歲既心境, 最搞笑既係,恭子以前曾話過希望20歲可以結婚,唔 經唔覺今年"死線"已到,所以佢都開始改口風!恭子話占卜過出年係"厄年" ,唔適合結婚,惟有寄望21歲wor! 至於02年最想既事,佢話係染個粉紅色頭 髮,同可以玩多D,食多D同埋訓多D...唉,恭子而家磅數都唔輕,佢都唔節制 ,唔通真係想好似麥嘜首歌話齋"又有最靚既豬腩肉"...... -- 唉~~~~又話恭子肥....... -- ▌ ▁▌ ▌▁ ▌|情報員標號: u61-38.user.giga.net.tw |局中| ◤ ▌ ▌ ▌▃ ▌|隸屬☆單位: 中央情報局 (bbs.e-cia.net) |邑情| ◣