父母離異 心存遺憾 容祖兒：不再有恨 http://ent.sina.com.hk/news/5478/4/1/692461/1.html 2011-10-28 05:47 東方日報 (照片) http://simg.sina.com.hk/cp/0/0074/5618/2/p.jpg 在單親家庭長大的祖兒自細心存遺憾，令她在成長路上缺乏安全感。 http://simg.sina.com.hk/cp/0/0074/5619/2/p.jpg 祖兒坦言母親是她一生最重要的人。 http://simg.sina.com.hk/cp/0/0074/5620/2/p.jpg 對於父親，祖兒心裏已沒有恨。 http://simg.sina.com.hk/cp/0/0074/5621/2/p.jpg 祖兒外表成熟淡定，內心卻十足大細路。 【東方日報專訊】在單親家庭長大的容祖兒，自細因父母離異令她留下終身的遺憾，祖兒 承認父女緣很淺，但她謹記老闆楊受成的一句說話，心中對父親已不再存恨，至於母親對 她的愛及付出，沒有任何人能夠取代。 在我小時候父母已醞釀分開，所以我好細個就明白不開心就不好勉強，我15歲那年父母正 式離婚，對我成長都好大影響，夜闌人靜總會感到遺憾，始終覺得父女緣真係比較淺。 我記得楊生（楊受成）同我講過，一世人所有事都有得揀，但有兩樣嘢冇得揀，就是你阿 爸同你阿媽。我曾經都嬲過佢（父親），但叫自己唔好囉，因為是這兩個人帶我來世界， 但你要好歡欣面對住佢，我又未必做得到，但我心裏面已經冇恨。我同佢好少聯絡，但細 佬會同佢食飯，會將佢的近況話我知，並非我不恨見佢，而是佢都建立了自己的家庭，都 要擺好多時間去照顧佢新太太及仔女。 媽咪地位無可取代 正因為父親的關係，我同媽咪感情係好好，但都要經營，由細到大媽咪擺了好多心機在我 身上，相對地佢對我的要求亦會多，我希望佢明白，雖然人愈大認識的朋友愈多，但不代 表佢在我心目中的地位或重要性減少，佢所做的一切沒有人可以取代到，即使有半點誤會 我都不希望，而媽咪是屬於一個多愁善感的人，佢會諗好多諗到鑽牛角尖，都不肯選擇同 我講，因為佢怕煩到我，我好希望佢不要將問題放在心上，我哋係血脈相連，但始終我不 是佢，所以就要去溝通。 不願分享內心世界 因為屋企的影響，我細個不會想給人知父母離婚，因為個個朋友都有個好幸福、健康的家 庭，但自己就好似有些殘缺、不健康，所以我從不喜歡向人透露內心世界。在同學、朋友 眼中我是一個獨行俠，可能是欠缺安全感，覺得秘密永遠都是秘密，內心感受我寧願選擇 不同人分享。 後記：童心未泯 今年31歲的祖兒思想成熟，外表淡定，其實她說話、舉手投足都充滿童真，專訪開始時， 祖兒跟筆者傾談噏邊個話題先，大家互相推讓，她即刻提議用包剪揼解決，隨即口中唸唸 有詞：「1.2.3……1.2.3……」結果筆者輸了，祖兒哈哈大笑：「你輸咗你講先！」成個 大細路現形。 口述：容祖兒 筆錄：音樂組 -- ●●誰的光 如常為我築起 這空港 何時若覺不安　都清楚燈塔會於哪方●● --

※ 發信站: 批踢踢實業坊(ptt.cc) ◆ From: 123.194.131.176