容祖兒（Joey）成「叱咤女歌手」金獎大熱人馬，揚言有信心蟬聯的她，又聞緋聞密友何 韻詩力讚為不可多得的歌手，難怪Joey全程表現極風騷，面上光彩比其紅衣更耀眼。 Joey、古巨基、何韻詩（阿詩）、泳兒、麥浚龍、謝安琪（Kay）、陳偉霆、Mr.等數十位 歌手，昨日齊出席「叱咤樂壇流行榜頒獎典禮」記者會。至於基仔因腰患問題，要撐住拐 杖到場，狀甚辛苦。 自知大有機會冧莊成「叱咤女歌手」金獎的Joey，心情靚到飛起，就連得到「網上最樂搞 歌手」的「噱頭獎」也交足戲說：「我真係冇諗過，呢個獎，我係實至名歸，好感動，我 想喊。」遇上傳不和的Kay，都表現老友傾個不停。 阿詩爆壓力大 Joey坦言有信心再得金獎，有謂她和Kay僅相差一首歌，成績叮噹馬頭，她說：「我都仲 有一首歌會派台，我志在參與。」她又稱現時將全副精神放在排練演唱會上，談及阿詩在 微博上自爆探班？Joey坦言：「難得佢尋（前）日有空檔就嚟探班，但佢等我拉筋都等咗 九個字，等到都唔耐煩，我再表演一次畀佢睇，佢都覺得我好好。」 而阿詩表示Joey為演唱會練得辛苦，更無意間踢爆說：「佢壓力大到喊，作為朋友要支持 吓。香港冇乜幾個呢啲咁跳得嘅歌手，要珍惜。」不過阿詩只打算捧尾場：「因為佢不停 加吓又加吓（場），搞到我啲期都郁吓郁吓。」 Kay開心最重要 Kay明顯對獎項信心不大，她笑說：「我唔知Air Play喎，咁我爛船都有三斤釘。（有冇 信心呀？）開心緊要過信心。」她稱今年只推出了國語碟，但都算豐收年：「我又拍戲， 又出國語碟，又去好多地方做公益善事。」Kay大讚Joey狀態好，但見她消瘦不少也感到 心痛。 來源：http://tinyurl.com/2vensr8 --

※ 發信站: 批踢踢實業坊(ptt.cc) ◆ From: 114.24.111.237