定欣奪視后爆喊　秋生稱帝 【on.cc東網專訊】 萬眾期待的本年度無綫視帝視后昨晚誕生！視帝競爭激烈，最終影帝 級黃秋生憑超班演技獲評審垂青，揮低人氣王陳展鵬首奪視帝寶座！曾贏得飛躍獎及女配 角獎的胡定欣則喊住開齋榮升無綫視后！最佳劇集由《梟雄》贏得，而陳展鵬及田蕊妮則 奪最受歡迎電視男、女角色，不致空手而回。 無綫《萬千星輝頒獎典禮2015》昨晚在將軍澳電視城舉行，全晚共頒發十多個獎項，戰況 激烈。視帝、視后、最受歡迎電視男、女角色及最佳劇集五大獎由全港市民及TVB評委會 即逾十位無綫高層及監製等業內人士投選，比例各佔50%，反映得獎者既受歡迎亦有演技 ，而頒獎禮投票總數為582,194票，獲近10萬人參與投票，最終黃秋生憑《梟雄》勇奪視 帝，胡定欣憑《鬼同你OT》首次封視后！ 視帝扮喊全場大笑 現年54歲的兩屆金像影帝黃秋生於80年代尾曾為無綫拍劇，其後主力在影壇發展，去年回 歸拍無綫劇《梟雄》，飾演帶有上海腔的大亨喬傲天一角獲觀眾激讚！宣布賽果後秋生表 現淡定，與勁敵陳展鵬、黎耀祥及張繼聰擁抱，並在曾與他傳不和的田蕊妮手上接過獎項 ，兩人有講有笑，秋生扮感動落淚引得全場大笑，他又說：「我好珍惜呢個獎，聽講真係 金！」 秋生又提到最近故友梅艷芳的遺物及獎項遭拍賣，令他感到不快：「所有演員獲得嘅獎項 係代表好多人嘅努力，應該受尊重，希望一眾演藝人為我哋尊嚴繼續奮鬥！」他又多謝祥 仔、韋家雄、PA、梳頭化妝、其助手及學生蔡思貝，並說：「多謝TVB，畀我咁頑劣嘅人 返嚟，多謝監製王心慰咁包容我。」據知，38歲的展鵬憑《張保仔》十一貝勒一角連奪新 加坡、馬來西亞及《東網民選》視帝，人氣爆燈，在民選票數部分佔盡優勢，惟無綫內部 票數傾向演技派秋生，造就秋生跑出。 陳展鵬奪男角色獎 視后方面，34歲的胡定欣憑《鬼同你OT》姜蓉一角人氣急升，早前在《TVB馬來西亞星光 薈萃頒獎典禮2015》與田蕊妮瓜分視后，曾奪飛躍進步女藝員及最佳女配角的定欣昨晚首 嘗無綫視后滋味！定欣得知得獎後當堂呆晒，表現得難以置信，她上台喜極而泣說：「我 冇諗過！我心目中Liza姐（汪明荃）、阿田永遠係最佳女主角，多謝公司每位支持我嘅人 ！下年套劇台前幕後再開一套，我會出盡200分力！多謝近排《鬼》劇播出後畀鼓勵我嘅 人。」定欣在紅地氈上表示其灰色露背裝是由好友胡杏兒的設計師操刀，當年杏兒封后亦 是身穿對方的晚裝，而裙上有星星圖案，望可成為「Lucky Star」。 賽前大熱陳展鵬及田蕊妮失落帝后寶座，幸仍有「最受歡迎電視男、女角色」獎落袋，展 鵬在台上表示很高興在無綫得到首個獎項，要多謝當年TVB藝訓班啟蒙老師、高層曾勵珍 及《張》劇監製：「我亦要多謝我媽咪，有段時間我幾低潮，佢犧牲好多時間照顧我，另 一位係好親嘅人，我講過要有少少成就先講，我多謝佢喺細個時對我嚴厲，佢係我奮鬥目 標，嗰個係我爹哋！」 阿田盼繼續放笑彈 阿田則在台上說：「我第一次做喜劇，多謝觀眾喜歡，最近聽到有人話依家TVB劇追唔上 潮流，我想講拍一百套劇未必都係經典，但所有工作人員都好珍惜每次工作機會，每個人 得獎都會好開心，我真係好開心，因為我有付出過、努力過！之後會繼續帶歡樂畀觀眾。 」此外，最佳劇集由熱爆劇《梟雄》贏得，該劇成為全晚大贏家。 http://goo.gl/Pncqcy 【on.cc東網專訊】 出爐視帝黃秋生得獎後在後台接受訪問，他直言得獎令他戲癮更濃， 不排除再拍無綫劇：「今次同工作人員合作得好開心，但我哋有啲條件，唔似後生咁捱得 。（唔想出埠？）係啦！紙杯都要寫清楚呀！」 他直言留港拍劇會較舒服，若出埠也慣了自己補貼使費。對於曾奪影帝及舞台劇最佳男主 角，再加上視帝，豈不是大滿貫？他笑說：「舞台劇獎就唔記得喇！（下個目標係奧斯卡 ？）梗係啦！（點慶祝？）要早瞓呀！中午要排舞台劇，畀自己瞓晏少少，平時開十一， 依家遲兩個鐘。」 提到在台上有感而發講到梅艷芳遺物被拍賣，他說：「其實法律處理有好多方法，唔講內 衣，講舞衣得唔得呀？仲有好多獎都好有紀念價值，年輕時覺得冇咩嘢，今時今日覺得好 有感受，係證明演員努力同對社會付出，係值得尊重！」 擔心陳凱琳冇獎攞 問到在頒獎禮上有否認識到後輩？秋生說：「有，Grace（陳凱琳），佢靚女嘛！（你頒 獎畀佢時佢好緊張！）我仲驚呀！我估咋！如果到時唔係佢得獎，我驚佢會喊，以為我又 整鬼佢！」 http://goo.gl/yg6E7s 【on.cc東網專訊】 出爐視后胡定欣憑《鬼同你OT》大熱封視后，她直言是意外收穫，沒 有想過自己真的會得獎，因此沒有叫父母及男友撐場，她說：「希望有下次機會啦！多謝 傳媒話我係大熱！（男友知你得獎？）佢知，佢有睇電視。（點幫你打氣？）佢朝早有攬 咗我一吓，叫我Good Luck。（點慶祝？）可能有好多飯局，但未知。」 定欣又特別多謝父母體諒，提到雙親一度哽咽：「我平時冇咩時間照顧佢哋，我頭先打畀 爸爸，佢話明白，仲叫我做嘢先。」提到在《衝上雲霄II》中吳鎮宇的角色與她飾演的角 色的關係猶如兄妹，吳鎮宇以「哥哥」身份在facebook說：「恭喜阿妹！2013的問題，今 年有答案了。」定欣笑言一頭霧水，但笑說：「多謝佢一直支持我，不時喺訪問度讚我。 」 http://goo.gl/e57lVS 【on.cc東網專訊】 「最佳男配角」得主韋家雄回到後台接受訪問，黃秋生已率先到後台 送上恭賀，問秋生有何恭賀說話？韋家雄表示：「佢恭喜我得獎，佢都好戥我開心。（請 返秋生食飯？）會，但要遲啲，今晚都未必有機會慶祝，聽朝要06開工！」家雄在台上感 謝秋生一句話，問秋生曾為他講過咩？他說：「佢接受好多訪問，都特別提起我嘅演出同 角色，我真係好多謝佢，亦都好好彩，可以同咁超班嘅演員合作。」 http://goo.gl/5YefSn 【on.cc東網專訊】 出爐無綫最佳女配角姚子羚在後台接受訪問，她直言之前在馬來西亞 得獎後已很感恩，今次再得獎是額外驚喜，問到有否多謝男友（鄭子邦）？她笑說：「哈 哈！有諗過，我問過佢，佢話唔使！我依家多謝番佢，佢畀好多鼓勵我！我有打電話畀佢 ，佢有睇電視！（得獎後宣布結婚？）冇諗呀！下次你哋問佢！（待嫁心情？）拎完獎應 該更努力事業，結婚遲啲再諗啦！」 http://goo.gl/Hw43E8 --

※ 發信站: 批踢踢實業坊(ptt.cc), 來自: 112.119.76.127 ※ 文章網址: https://webptt.com/m.aspx?n=bbs/HK-drama/M.1450050791.A.6F9.html