唔擦鞋　唔埋堆　慘遭冷落 楊思琦怨冇劇拍離無綫 http://hk.apple.nextmedia.com/entertainment/first/20140515/18720348 現年35歲、01年港姐冠軍楊思琦在無綫13年，性格不懂埋堆、不懂拍高層馬 屁的她，一直未受公司重用，再加上年前與李泳豪、吳帥的三角戀情，傳公 司對她有意見，自此遭受冷待，幾年來不斷向公司要求拍劇，但公司置若罔 聞，在心灰意冷情況下，最近約滿無綫，公司雖然願意與她續約，但條件未 如理想，經深思熟慮後，為囡囡她寧願選擇冒險向外闖，期望殺出新天地。 最近已正式回復自由身的楊思琦，已經沒有無綫的大靠山，又沒有經理人的 她，在前路茫茫下，今後要自力更生努力賺錢撫養女兒成長。思琦昨日接受 本報專訪，直認與無綫正式結束賓主關係，對於外傳無綫提出苛刻的續約條 件，大幅減人工兼被踢出經理人部，為此，思琦說：「今次決定走，同人工 無關，事實上唔係好似外傳嘅報道咁苛刻，反而有加人工畀我，只係大家喺 拍劇方面未得到共識，所以先有咁嘅決定。」 唔想望番轉頭 思琦自言一直有向公司反映拍劇意願，卻未受重視，她說：「佢哋話會盡量 安排，我覺得好幾年冇拍劇集機會，只係做啲綜藝科嘅節目，始終春青有限 ，我諗 家再試新嘢，都係一個適合嘅時間。」會否對無綫覺得失望？她 說：「做人應該向前看，唔需要睇番轉頭，講番以前，我相信明天會更好。」 近年有不少無綫藝人離巢外闖，除了因為人工低之外也與欠缺發展機會有關 ，思琦是否受逃亡潮影響？她說：「每個人都係一個獨立嘅個體，未必係睇 大眾嘅方向，而係睇自己需唔需要。只不過喺呢個時間，我揀咗嘗試另一個 方向，去學啲新嘅嘢，充實吓自己。」 現時獨力照顧兩歲多囡囡楊卓穎的思琦，一度為續約問題掙扎，她說：「去 到差唔多續約嗰陣，你就會喺度諗自己嘅路向，呢個決定好似人生交叉點， 一個魔鬼，一個天使，究竟我聽邊個說話好呢？但係當你諗到個決定，就會 好relax，知道自己點樣行。」她坦承當時有不少朋友覺得大樹好遮蔭，不續 約是很冒險的一件事，但思琦說：「都有人support我，我相信肯做、肯努力 ，去到邊度都係一樣，自己再進取啲，爭取多啲唔同嘅工作。」 她續說：「我喺公司13年，學咗一段時間嘅嘢，想去進修吓，或者去唔同嘅 地方拍吓，同人哋再學啲新嘢，你問我係咪冒險，都可能係一個挑戰，有危 就有機，呢個係一個機會。」 返內地尋機會 談到未來的去向，思琦稱暫時不用擔心，現階段有不少工作正籌備中，當中 亦包括好幾間經理人公司傾談中，她還說：「我現在想試多啲新嘢，首要係 想拍劇，所以我會去內地睇吓有冇乜嘢劇可以拍，我相信開放自己，機會就 會嚟。」家庭方面，思琦亦早已有安排：「我同媽咪有共識，小朋友會由媽 咪照顧，科技咁發達，電話都可以傾到偈，知道小朋友發生緊乜嘢事。」 想喊事件簿：我的慘情年代 單親媽媽楊思琦，為了女兒，決定不與無綫續約向外闖，其實思琦妹由出道 以來，經歷了很多不快事。 2003年遭杯葛 與郭羡妮及佘詩曼一同主演劇集《無名天使3D》，因被指戲份較兩女多，令 到原先不和的郭羡妮及佘詩曼，聯手杯葛思琦妹，有指思琦妹於化妝間向佘 詩曼打招呼，佘視而不見。 2006年任抽水 楊思琦在一個鞋履活動上，擔任模特兒行騷，品牌的國際副總裁 Steve Holt在台上當眾對思琦妹又攬又錫，為保飯碗的思琦只能尷尬苦笑，完全沒 有反抗餘地。 2008年被恥笑 出席新劇《新網中人》拜神儀式後，繼之前將拜神燒豬腳拿回家煲粥兼餵狗 後，再掃拜神生果，慳家性格慘被恥笑。 2012年愛錯郎 與相戀9年的李泳豪分手，卻押錯注愛錯空心老倌前跳水運動員吳帥，思琦妹 慧斬情絲，在洛杉磯秘密產女，當未婚媽媽，女兒隨她姓楊。產後返港足不 出戶，被爆患上產後抑鬱。 外闖自救：小生花旦逃出生天 思琦妹為了爭取更多演出和曝光機會，決定不與無綫續約向外發展。近年很 多無綫藝人也為了爭取機會，到內地拍劇、登台和接騷，紛紛離開無綫向外 闖，如謝天華、陳法拉（圖）、林保怡、馬德鐘等，謝天華自組公司接工作 ，陳法拉到內地發展之餘，去年接拍電影《奇幻夜》更大解放，與林家棟肉 搏。林峯、鄭嘉穎、黃宗澤及吳卓羲等一線小生，雖與無綫仍有合約，但重 心已轉移到內地，大部份時間均在內地拍劇，只於無綫一年一劇。 採訪：鍾國仁、何慧斯 攝影：葉君海、周樂恒 --

※ 發信站: 批踢踢實業坊(ptt.cc), 來自: 24.193.85.42 ※ 文章網址: http://webptt.com/m.aspx?n=bbs/HK-drama/M.1400123727.A.151.html