公視新聞網 https://news.pts.org.tw/article/828985 有聲冊《做伴99%母語治疼丹》 作者望用台語安搭讀者 https://www.youtube.com/watch?v=MKB22auo73I 發布時間：2026/9/28 20:16 更新時間：2026/9/28 21:02 郭育圻 王志剛 採訪報導 最近有一本線頂的台語有聲冊《做伴 99%母語治疼丹》，作者用台語講出家己細漢佇庄跤 珍貴的回憶，教人透過冥想揣著心內的平靜。有心理師指出，目前咱臺灣心理學相關的研 究，大部份猶是對國外來的，欠缺台語的資源。作者也表示，未來會繼續做基礎冥想的台 語影片，佮訪問心理領域的專家，用台語推動自我照顧。(這條新聞標題、內容是台文) 吳征揚/編輯 ===== 有時，會袂記得你是啥物人，袂記得家己叫啥物名，你偌久無講台語矣。無要緊，咱做伙 行轉去母語的世界。 用溫柔的聲情講台語，透過冥想揣著心內平靜的感覺。這是一本線頂的有聲冊《做伴 99% 母語治痛丹》，作者用台語，講出家己細漢佇庄跤大漢的一寡珍貴的回憶，也向望用台語 推動自我照顧。 《做伴 99%母語治痛丹》創作者 林雲： 譬如就是講，行田岸仔路的時間，抑是頭拄仔有講著火金蛄，抑是阮細漢的樹仔跤，佇樹 仔跤 thit-thô，遮的情境。我感覺講，其實遮嘛是性命當中，誠寶貴的資源。 諮商心理師指出，目前咱臺灣心理學相關的研究，大部分猶是對國外來的，欠缺臺語的資 源。猶有藝術治療師分享，這本臺語有聲冊，就親像細漢心情無好的時陣，阿公阿媽會共 咱安慰的感覺。 諮商心理師 黃雅羚： 咱這馬大部份（心理學）的冊，閣有伊的遮的智識佮伊的名詞，全部攏自西方過來的，過 來的時陣攏是華語佮英語較濟，伊（心理學資源）真正較少（台語），我看可能完全無（ 台語）喔。 諮商心理師/藝術治療師 黃暄文： 譬論講若母仔囝抑是孫仔佮阿公，我是感覺講這是會使提來予咱逐个人試看覓、講看覓， 會使共咱的關係，共黏起來按呢。 作者希望這本有聲冊通成做現代人心理照顧的工具，生活壓力大、日時上班通勤、暗時睏 袂落眠，甚至是在海外思念臺灣的時陣，會當用母語來安搭家己，去傷解鬱。作者講，伊 也會繼續做基礎冥想的臺語影片，佮訪問心理領域的專家，用臺語陪伴逐家，提醒家己， 生活寬寬仔是就好。 --

※ 發信站: 批踢踢實業坊(ptt.cc), 來自: 111.255.106.16 (臺灣) ※ 文章網址: https://webptt.com/m.aspx?n=bbs/Gossiping/M.1790693969.A.E9B.html