東網 http://goo.gl/3xZskS 自戀汪東城扮不了醜角 08月07日(五) 06:16 【on.cc東網專訊】 台灣男星汪東城（大東）早前到香港出席動漫《七龍珠》活動，除Cosplay了其至愛角色「悟空」外，他還落手落腳，親自設計《七龍珠》T恤，他說：「我身上的T恤就是自己設計的，我跟日本的老師，經過很多次的討論，才設計出符合那邊要求的成品！（花了很多時間？）畢竟這是一個非常棒的漫畫，所以希望可以尊重及得到日本那邊的認可。」 一向熱愛Cosplay的大東，嘗試過很多不同的角色，例如美國隊長、《火影忍者》中的角色等。問到他會否嘗試Cosplay醜角，他笑說：「因為希望扮出來是還原的，扮醜的角色並不是不行，但就怕扮不像！（因為自己很帥？）也不是帥啦，就是希望找比較貼近的角色，還原度比較高！」他又自信地表示不用花太多時間揣摩角色：「因為自己喜歡，所以在看的過程就一直在揣摩。這樣子其實在扮演的同時就會駕輕就熟！」 而談到他擔任了一日本卡通的台灣代理商，說：「我希望藉由藝人的渲染力及身份去推廣動漫，讓更多人喜歡！我覺得動漫的東西其實是一個很單純的世界，動漫對我來說，帶來了很多美好，所以希望這樣的美好可以跟大家一起分享！」 照片1 http://goo.gl/QshH6b 台灣男星汪東城（大東）早前來港出席動漫《龍珠》活動。 照片2 http://goo.gl/mhTBKm 一向熱愛Cosplay的大東，嘗試過很多不同的角色。 照片3 http://goo.gl/fyj2kC 大東真的很喜歡動漫。 照片4 http://goo.gl/VUgXrD 希望他能把動漫帶給更多的人。 ==================== 東網 http://goo.gl/4nEZfD 周末好去處：《龍珠Ｚ》大型展覽練龜波氣功 08月08日(六) 09:01 【on.cc東網專訊】 「元氣彈」、「龜~波~氣~功~」打足30年，近期日本上映《龍珠超》新作，再度炒起龍珠熱，集集出招，睇到粉絲都想跳入電視機打番份。想過手癮？有機會喇，將軍澳一個商場正舉辦《龍珠Ｚ》大型展覽，場內整咗首個4D龍珠必殺技體感遊戲專區，可以畀粉絲親身練成元氣彈，耍出龜波氣功等經典絶技，仲可以召喚由日本飛嚟嘅神龍，畀你許個靚願，話唔定好快就願望成真。 今次呢個展覽，喺將軍澳東港城1樓舉行，龍珠迷要大顯身手，必玩場內嘅4D龍珠必殺技體感遊戲專區，呢度同時係動畫主角們比武大會場地嘅「天下一武道會」。遊戲專區配有體感技術儀器，感應唔同身體動作，控制巨型螢幕內嘅世界，同其他主角過番兩招。 粉絲們想學成悟空必殺技絶招「元氣彈」，就要企喺專區中間，跟住螢幕指示，高舉雙手，蓄氣扔彈；而要出「龜波氣功」就要先雙手抱拳，再轉腰蓄氣，做出相應動作。提一提各位粉絲，要有好似撒亞人超強戰鬥力，一定要跟足動作先出到招架。 咁好玩，唔少家長級龍珠迷都帶埋小朋友嚟，睇下仔女有無呢種天賦。後生靚媽葉太就話：「我同阿哥細個就睇龍珠大，覺得啲角色好型，於是就帶埋2歲囡囡同3歲囝囝嚟睇下。」 武道會內小戰士們頻頻練功，場外亦高手雲集，比達、杜拉格斯、笛子魔童、悟飯等1:1模型全部到齊。比達仲好大方，帶埋自己嘅太空艙嚟畀粉絲坐坐，任影唔嬲。 其實主角們打生打死都係為咗召喚神龍許願。今次傳說中嘅神龍亦特登由日本飛嚟，有成7米高，由地面望上好有氣勢，話唔定真係可以幫你願望成真。 呢個展覽場地有成3,000平方呎，打卡位點止咁少。場內仲有絕對不能錯過嘅閃卡隧道，裏面有近1,000張龍珠珍藏閃卡。大家細個又買又換，都係希望集齊一套，儲到閃中閃、暗閃等特別款，依家望住成套閃卡，兒時回憶都返晒嚟。另一個驚喜位，就係隱身「天下一武道會」背後嘅龍珠模型展，唔少今年發售嘅新款都有亮相。 打得睇得，原來仲買得。場內仲設有Pop-up Store，杜拉格斯身旁嘅萬用膠囊入面，就有唔少限量精品發售。其中仙豆叉電器特別吸晴，限量400件。想將龍珠着上身，可以考慮下由台灣型男汪東城設計嘅3款T裇，每款限量200件，粉絲必定滿載而歸。 --

※ 發信站: 批踢踢實業坊(ptt.cc), 來自: 118.233.67.27 ※ 文章網址: https://webptt.com/m.aspx?n=bbs/Fahrenheit/M.1439179979.A.8CC.html