C君：佢(陳冠希)係擺老細款！ (商台)2010年11月10日 星期三 19:14 【商台 互動娛樂組】近日有報道指農夫與DJ Tommy，因為分權問題離開陳冠希 的 公司（CMD），農夫成員C君今日接受雷霆881《巴巴閉 邊個夠我查篤撐》訪問，為「無義 氣」傳聞平反，他認為自己離開CMD才是真正的「飲水思源」，而且往後也會繼續和 Edison合作。 C君澄清今次「分手」，自己和陸永都不是話事人，「我哋呢啲係細路仔，大事都係交畀 大人去處理。其實DJ Tommy至係我哋老闆，加入CMD都是因為DJ Tommy，所以佢離開的話 ，我哋理所當然會離開。」 C君又撐Edison和DJ Tommy沒有不和，只是音樂理念不同，有時會有分歧，「點會唔妥？ Edison隻碟Tommy都有份製作。可能係音樂理念不同，而且以前我、Tommy同埋陸永3個人 做音樂，可以3個人就決定；但入咗公司（CMD）後，一個決定要很多人的通過，有排等。 」 有指C君曾暗寸Edison擺老闆款，C君聞言後反駁：「無話過！但Edison當時要擺老闆款， 因為佢真係老闆，唔通擺個員工款先正常？」離開CMD前，C君坦言無諗過會畀人話「無義 氣」，因為就算留在CMD都會畀人話，「走唔走都無義氣啦！留喺CMD唔理Tommy咪一樣， 其實我跟Tommy走先係『飲水思源』，因為佢先係我哋老闆。」 收聽C君足本訪問，請重溫今日雷霆881《巴巴閉 邊個夠我查篤撐》 http://hk.news.yahoo.com/article/101110/18/l6j2.html --

※ 發信站: 批踢踢實業坊(ptt.cc) ◆ From: 183.178.117.81