新浪網 陳奕迅（Eason）昨日前往廣州出席「05出擊陳奕迅廣州演唱會」記者會，吸引過百香港及 內地傳媒採訪場面浩大，為突顯Eason大王身價，大會安排十多位靚女模特兒，勁數他得獎 威水史，並送上支價值過百萬長白山野生人參補氣。 　 陳奕迅入行十多年，將於7月30日首次在廣州天河體育場舉行個人演唱會，為了隆重其事， 演唱會主辦單位，特別選在廣州舉行大型記者會，Twins成員蔡卓妍父親是該演唱會搞手之 一，記者會吸引過百傳媒採訪，在場Fans過百人到來捧場，場面熱鬧，在Eason出場前，大 會特別安排十多位靚女模特兒高舉紙牌，盡數Esaon過去十年在獎頒禮中得到的大獎，當 Eason正式出場，傳媒為了爭位影相，一擁而上台前，場面一度引起混亂。 　 在記者會上Esaon憑新歌《夕陽無限好》獲頒贈「中國音樂先鋒榜」冠軍歌獎，及「華語音 樂傳媒大獎」十冠王獎狀，但令Esaon感到最驚喜是獲大會送贈一支長白山野生人參，他說 ﹕「人參我就未食過，但支參咁貴，過百萬喎，真係要試纒。」 GiGi做個唱嘉賓 　 Eason表示今次廣州演唱會有兩位表演嘉賓，除了陳煥仁外，另一位神秘嘉賓以「一朵花」 來形容，不肯透露姓名，記者要求他給貼士﹖他得戚地說﹕「佢好高，又好乾淨，英文姓 氏有『L』字，我仲會唱佢首唱《煙霧迷漫》。」其實這位嘉賓已經呼之欲出是梁詠琪 （GiGi），Eason笑言今次請Gigi做嘉賓，嘉賓GiGi夠高，音樂造詣幾好，而且有甜美笑容 。他表示為了今次演唱會，開始秘密練舞，說到演唱會沒有舞蹈員，但如果要搵人伴舞， 他首選好友謝霆鋒。他說﹕「因為霆鋒初出道時，唔係唱歌，佢同陳曉東一樣，出道時係 跳舞。」 　 該戶外場地可容納3萬多觀眾，有內地傳媒追問他會否擔心有炒黃牛飛或門票滯銷問題情況 出現﹖Eason無奈地說﹕「如果真係有炒飛，擔心都沒辦法，飛賣得好唔好，我作為歌手最 重要係唱好歌，但我深信主辦商搵得我，當然對我係有信心啦。」 -- --

※ 發信站: 批踢踢實業坊(ptt.cc) ◆ From: 220.139.44.61