林行止賣盤擱筆《信報》自閹垂危 「香江第一健筆」、四十年來發表逾萬篇議論政經文章的《信報》創辦人林行止，近日傳 出不滿北京打手言論憤而「擱筆」甚至賣盤的消息，震驚政經界，一眾中環讀者議論紛紛 ，有員工坦言沒有林的專欄，《信報》會死！據了解，為了取悅北京，《信報》大股東李 澤楷大搞小動作，借低級打手之力趕盡林行止一班親信。眼見《信報》沉淪，林行止卻無 能為力，惟有擱筆明志。也許對風骨文人而言，梁振英上場後，沒有最好的時代，只有最 壞的時代。 http://hk.next.nextmedia.com/images/next-photos/NextMag/1226/160pixfolder/N1226_112_p1_2a_KIN_0913_9977.jpg 林行止憤而擱筆，夫婦二人本週一未有回應記者對《信報》變質的感受，只說「諗到就會 寫」。（江永健攝） 原名林山木、現年七十三歲的林行止，上月廿八日於《信報》以「論政負責當如何 怕亂 怎能防害生」為題，撰文回應「幫港出聲」發起人鄭赤琰的文章，以及署名「一寶」以廣 告形式刊登《信報》的公開信。林氏表面上不滿北京及建制派「打手」搞亂香港政局，但 文章清楚指出，「這種也算是人家自掏腰包、也許受到『贊助』而又可能是報社免費『納 言』的廣告……香港已與『過去』漸行漸遠」。其實，林氏是不滿由他與太太駱友梅四十 年前一手創辦、現為政商界必讀的財經報章，慘向北京跪低，他作為「自由知識人」，不 欲「無端打倒昨日之我」，認為「文人要為國家而非忠於自己的識見」，故憤而提出「擱 筆不寫也許是眼前的選擇」。未幾，市場傳出林氏夫婦欲把手上剩餘的兩成《信報》股份 統統賣給大股東李澤楷，二人從此不再沾手《信報》業務，似乎已對「親生仔」冇眼睇。 記者本週一早上到林氏夫婦山頂種植道寓所外查詢《信報》賣盤問題，林太一直避開鏡頭 笑而不語，林生態度則相對從容，多次強調「no, no, no，真係唔會（賣盤），冇啲咁嘅 事」。至於如何對報章「納言」感到不滿、怎樣看待香港政局等問題，他僅稱︰「我已經 寫咗啦，真係冇嘢。我諗到我就會慢慢寫，我從來都唔會接受訪問，我唔知點講。」 李澤楷冷待林氏 雖然林行止避談賣盤等敏感資料，以免影響交易，但有《信報》中人指出，林氏夫婦○六 及○七年賣盤後，仍持兩成股權，卻未分到任何股息，反映最大股東李澤楷根本不把他們 放在眼內，「但林生、林太都唔係志在呢啲錢，而係近期《信報》嘅政治氣氛變差，羅燦 又要走，連新老總（郭艷明）上場，事前都冇人知會林生、林太。佢哋仲有兩成股權，理 論上公司有乜重大決定都要通知佢哋。」「董事局亦有重大變化，今年有幾個人加入董事 局，即係將有三個新舊CEO，兩個新舊老總，一個CFO，一個sales director。係用嚟平衡 權力，好聽啲叫做大家好來好往，你走咗都繼續俾你留喺董事局，個個年薪都有番咁上下 ……林太平時都唔會返《信報》開會，上個月就返嚟同高層開過一次，聽聞佢對董事局好 不滿。」知情者說。李澤楷近年密謀踢走林氏的親信，是不爭的事實，加上中聯辦肆意出 手打壓報章，有指林氏夫婦近半年來已有賣盤的想法，無奈進展十畫未有一撇。觸發夫婦 二人忍痛賣斷「親生仔」，是管理層近期大搞小動作，更接納左派打手「一寶」以登廣告 形式，在報章大罵林行止作為「負責任之論政者，應提出香港在中國發展中尋求共生共存 之路」。「令林生不滿嘅係，如果呢個『一寶』係投稿俾《信報》，編輯都仲可以話因為 要公平，所以接受正反雙方投稿，但依家唔係喎，呢個係廣告咋喎，可以唔收o架嘛！廣 告仲要落喺自己有份嘅報紙，佢又點會唔意興闌珊？佢當然唔捨得賣斷個仔啦，有邊個阿 爸唔想認親生仔？不過當阿仔不知所謂到一個程度，阿爸就不得不忍痛放手。」知情者黯 然地說。 練乙錚共同進退 為《信報》撰文廿年、年初因評論梁振英「涉黑」而被控誹謗的練乙錚，本週一亦在《信 報》撰文，引用中外詩人和文學家作品，抒發對同儕離去、人生無奈的情懷，更對友人林 行止或擱筆一事感到既悲壯，又傷感。練形容林的專欄已是「香港思想界的一個地標」、 「沒有了林先生的《信報》，太過不可想像。到了那個田地，筆者亦豈可久留？」他暗示 與林行止共同進退，大概《信報》現時的管理方針及新聞取向，已不值得兩人留戀。「除 咗一班中環人，《信報》係一份香港精英階層必睇嘅報紙。林行止話要擱筆、要賣盤，份 報紙已經冇乜吸引力，其實《信報》會死o架喇！」有消息更稱，《信報》前行政總裁羅 燦轉戰DBC電台後開始招兵買馬，更打算從《信報》挖角，撬走有料的財經記者，報章質 素定當大受影響，文章分量將大不如前。 重點打壓游清源 事實上，林氏夫婦不被尊重，對《信報》心淡，已非一日之寒。自李澤楷傳以逾兩億元購 入《信報》八成股權後，編採方針愈見保守，林氏夫婦契仔、負責「獨眼香江」政治評論 版的副總編輯游清源（原名袁耀清），則成為李氏的重點打壓對象，皆因獨眼「唔聽話」 ，處處與北京和港府作對，李氏為求取悅北京，又想收緊林氏在《信報》的勢力，欲除游 清源而後快。李澤楷打壓林系的第一步，是派遣老父親信郭艷明入主《信報》，上月十九 日正式成為新老總。據了解，林行止夫婦認為郭「未夠班」擔任此職。可是，仗着李氏父 子勢力的郭艷明，近日出席一個有高官及傳媒高層出席的飯局時，毫不俾面公然數落游清 源，為主子清理門戶做好準備。郭艷明上場，凳都未坐暖，《信報》同日發出內部通告， 宣布郭加入董事局，員工均感到相當驚訝，「老總唔一定入到董事局，佢一嚟就入去（董 事局），明顯係一個姿態。」翻查資料，陳景祥○三年出任總編輯，但直至一○年才可加 入董事局。翻看往績，郭艷明的政治取態一向保守，也有多次自我審查的記錄。○二年任 新城電台執行總編輯的她，被指處理長和系、法輪功和前特首董建華的新聞時自我審查， 記者協會的調查報告確立有關指控。「聽聞郭艷明上場，拍晒心口會整走游清源。至於係 咪變成純財經報，到時咪知囉！」游清源則以行動力撐林行止，「林生擱筆係好可惜，喺 依家咁多大是大非上，有佔中、有政改，冇咗林生支筆，係香港嘅損失、香港嘅悲哀。我 會擁抱林生、林太嘅諗法，林生走，我走，呢樣唔使諗，我話堅持到最後一分鐘，就係呢 個意思。」 郭艷明拒絕回應 對於林行止夫婦及《信報》員工不滿郭艷明，郭本週二回覆本刊電話查詢時，表示不回應 任何傳聞和沒有具名的消息來源，更指記者「編古仔嘅能力好叻」，「對於呢啲傳出嚟又 毫無根據嘅嘢，sorry喎，你每日可以作一百段嚟問我，但我真係對呢啲所謂內部聽返嚟 嘅嘢冇回應……」被問及林行止擱筆，作為老總會否感到惋惜，她亦以強硬態度說︰「我 唔想再答喇，因為呢個係每一位作者嘅感受抒發，我哋冇comment喎！」 壹週刊 A054-056 | 時事 | 新聞耳目 | 2013-09-05 http://hk.next.nextmedia.com/article/1226/17043658 --

※ 發信站: 批踢踢實業坊(ptt.cc) ◆ From: 218.250.5.150