全文： 圖1：http://tinyurl.com/bz5tajh CoCo Lee 橄欖綠茄士咩長褸$10,480 橄欖綠茄士咩襪筒（未定價） both Max Mara 深藍色絨帽、閃金吊飾及魚網 tee all stylist’s own 圖2：http://tinyurl.com/bdopknp CoCo Lee 米白色絨軍帽$2,380 米白色茄士咩綴兔毛袖連身裙$11,880 both Max Mara 藍色頭紗 stylist’s own 圖3：http://tinyurl.com/albxfvl CoCo Lee 黑色羊仔皮連腰帶連身裙$28,680 Sportmax 啡併黃色魚網絲襪 stylist’s own 圖4：http://tinyurl.com/bkbd3g3 CoCo Lee 彩藍色茄士咩長大褸$20,280 Sportmax 綠色綴鐵章軍帽 黑色 ankle boots 紅色及魚網絲襪 all stylist’s own 我們眼中的李玟，很 super star，本是同根生香港人，新秀奪亞，台灣揚名，一口流利 英語講到「咯咯聲」，再去美國出唱片——成功衝出亞洲第一步；最後，一首中文歌 hit 中老外耳仔，奧斯卡獻唱，名正言順取國際牌…… 且慢，去年一個億元婚禮，一班美國熱門歌手贈興，她才真正算是由頭 super到落腳趾尾 。 李小姐成為尊貴闊太之後，沒馬上拎個愛馬仕去中環 shopping歎茶修甲做 facial，反頻 頻現身內地工作，有咁遠去到咁遠，跟名媛望族生活絕緣。 「我好獨立，唔需要靠老公。」個個都係咁講㗎啦！ 幾醒目， CoCo見我面色，即說：「我係靠自己能力去照顧屋企人，開心好多。」 自己養自己唔難，養埋家人亦好啱數，然而，嫁得好嫁得威卻沒因利乘便繑埋雙手，咁至 馨香，我不得不重新估量眼前呢一位細細粒但唔易招架的女強人。 Profile 　 CoCo Lee 原名：李美林 出生日期： 1975年 1月 17日（山羊座） 出生地：香港（父為馬來西亞人、母為香港人） 身高： 5呎 3吋 體重： 100磅 三圍： 35-23-35 語言：廣東話、普通話、英語及法語。 學歷：美國加州大學爾灣分校生物系畢業 簡歷： 93年，參加新秀，奪取亞軍。 94年，往台灣發展，首推國語專輯。 95年，首推 英文唱片，展示美式唱腔，首月即大賣 13萬張。 99年，在美國出唱片，為跨出國際第一 步。 01年，憑《臥虎藏龍》主題曲《 A Love Before Time》（中文名《月光愛人》）， 成為首位華人歌手為奧斯卡頒獎禮演唱。 11年，跟利豐集團總裁 Bruce Philip Rockowitz舉行億萬婚禮，成為一時佳話。 主要作品：《愛就要趁現在》（ 94）、《 Brave Enough To Love》（ 95）、《 Just No Other Way》（ 99）。 微博： http://weibo.com/cocolee117 犧牲老公 　 前排 CoCo跟 fans聚會，眼見一位由十幾歲已跟住自己的粉絲，生了一胎，她逗人小孩玩 之餘，望望自己，仲未有聲氣……「 Oh my God！ 「天意難催，結咗婚，梗想有 BB，但呢啲唔係話生就可以即刻生，慢慢嚟；「好彩老公 明白！」 Bruce結過婚，已有兩女，當然跟老婆一樣唔急。 「我唔想放棄事業，惟有犧牲佢；「況且，咁至多話題大家傾嘛！」 只是，對我呢啲電視精來講，女人嫁入豪門，實係名媛望族一、二、三、四奶般，唔使工 作，得閒約吓好友傾吓偈打吓麻將買吓衫，何解要這位億萬少婦繼續拼博？ 「 Why not？ 「我好獨立，唔需要靠老公，靠自己照顧屋企人，開心好多。」幾口響，直情面帶光彩。 她還說，認識 Bruce之前，自己已是工作狂，拍拖八年，大家經濟獨立，家陣，兼顧家庭 之餘，還要返內地工作、錄新唱片、拍廣告，忙得不可開交，遲些做《中國好聲音》（浙 江衞視主辦的真人秀歌唱節目）導師。 「我本身係唱歌比賽出身，好明白參賽者心態，希望以自己經驗幫到佢哋。 「另外，我打算開公司，呢個節目受歡迎，希望藉此揀選適合人選去做培訓。」 繼劉德華、黎明、梁詠琪做了老闆之後， CoCo也野心勃勃。 婚姻唔係墳墓 　 一副女強人姿態，但請君別誤解，實情 CoCo外剛內柔，在美國長大的她，為人爽快，卻 不愛跟男人爭一日長短，對住老公，仲好溫柔。大抵港女最該放下身段問一問的問題，就 如我問，點樣綁實男人心？ 「做佢私人助理。」吓？！ 「拍拖八年，對方起居生活一向由我照顧，包括佢出門著乜衫，我幫佢諗好襯好，整整齊 齊放好喺度，等佢試完，我再執埋入喼。 「依家，只要佢出一句聲，就算我喺房剪緊音樂，一樣放低所有事情，即刻走去搵佢。」 這也未算最細心，結婚剛一年，二人仍然如膠似漆，粉紅色情侶裝回到婚禮酒店慶祝，咪 話唔 sweet。「婚姻唔係戀愛墳墓，只有愈來愈好。 「 Bruce成日話，好怕女人唔識照顧丈夫，事實上，我係做得比佢想像中更好。」 舉例說明，工時不穩的老公正在準備全球視像會議，時值香港時間凌晨 2點，第二朝 06 開工的 CoCo，捱住眼瞓，起身泡茶俾老公潤喉，「佢不停講嘢，我驚佢辛苦。」這才為 之貼身兼貼心照顧。 「意見梗有唔同，但大家唔可以因為嘈交而隨便嗌分手，盡量大事化小。 「做夫妻，要花心思，更加唔可以冷落另一半。」係男人聽到都冧爆。 Q：點樣 keep fit？ A：影相前，乜都唔食，水亦唔飲太多，平時，日日做一粒鐘瑜伽或排舞。 Q：自問是否購物狂？ A：我最鍾意買鞋，多到已經數唔到有幾多對，總之有個倉放鞋，最鍾意買 platform。 CoCo以李美林真名參選新秀，卻在台灣發跡，當時，公司細沒經費，專挑凌晨錄音，貪租 最平，亦要靠自己一手搞掂化妝形象等，兼租車去電視台跑通告， 18歲女，點頂？「我 都未懂事，只係覺得台灣公司俾咗自己一個機會，冇理由放棄。」 終於，憑一首英文歌及新穎的唱腔打入樂壇，上位了，跑校園狂谷宣傳，有一趟，去台南 做完騷，漏夜趕回台北，公司居然揀買最平車費的企位！ CoCo一個女仔由凌晨 12點企到 第二朝 8點，邊捉欄杆，邊拎住個化妝箱……「有個學生見到我，問朋友『係咪李玟？』 好冇面呀！ 「所以，我好怕坐火車，成世人，最記得嗰次罰企 8個鐘。 「我哋呢一代歌手好辛苦，但係好事，依家新人，一出道擁有一切，變相冇咗做人態度。 」 說到這裡，我終於明， Bruce點解揀中李玟做老婆，佢咪又係由網球教練捱到今日的集團 總裁，二人做事心態一致，這才是維繫一段關係的基石。 後記 我追問 CoCo，心願是否在香港紅館開演唱會？ 「好恨，希望明年夢想達成。 「 You know，香港係 my home， very special place for me。」 在台灣大紅，上過奧斯卡頒獎台，卻最希望得到出生地的人認同。 每個人都有心結，唔怪得，她堅持在港舉行婚禮。 Max Mara銅鑼灣名店坊 G3及 F2號鋪 2722 9603 Sportmax金鐘太古廣場 231號鋪 2722 9636 撰文：黃鑑江 形象：黃健華 攝影： Ray Siu　 化妝： Nancy Lee 髮型： Nike [email protected] 鳴謝： Max Mara --

※ 發信站: 批踢踢實業坊(ptt.cc) ◆ From: 118.169.136.117