※ [本文轉錄自 TW-language 看板 #1J9MdiGx ] 作者: sitifan () 看板: TW-language 標題: 《漳泉聖會報》（路尾改名叫做《閩南聖會報》） 時間: Sun Mar 16 17:07:50 2014 佇清末民初的時代，閩南教會內中，上蓋出名的是《漳泉聖會報》（路尾改名叫做《閩南 聖會報》），予儂稱做是「閩南教會的文字機關」。即張報，起手創辦是佇1888年，設立 的儂是美國歸正教會的打馬字牧師（Rev. John Van Nest Talmage）佮亻因太太，社址佇 廈門鼓浪嶼。起頭號做《漳泉聖會報》，後來則改做《閩南聖會報》。即份報紙是月報， 做頭是寫閩南（廈門話）白話字。到1938年則改做白話字、漢字濫摻寫。照1939年底國民 政府報刊登記調查記載寫講：「報紙內容以宗教論說佮教會新聞為主，社址佇鼓浪嶼田尾 路，登記證號是警號824。發行人卜顯理（Rev. Poppen，美國儂），主編沈省愚。」 漳泉聖會報》發行毋是為著趁錢，攏無登推銷（廣告），嘛無拍算為著銷路較好來登一 寡當時世界較時行的內容。聽咧講，嘛無得著教會出力扶持，無法度月月出報，三不五時 有停報，講是「錢項無夠，姑不而將」。 彼个時代拄好戰爭時期，拍算無夠錢，《閩南聖會報》捌停印久久，到1944年7月，社址 遷去漳州的閩南神學院則復刊。當時的編輯是賀兆奎、潘鏡高遮个儂。辦報的目的講是： 「查本報續刊宗旨係以宣傳十架福音，健全教會組織，推行五運事工，報導教會消息，籍 以服務社會，造福人群。」當時所登的文章較濟是登閩南各大教會的事工情況、閩南教會 歷史，以及信徒的個人見證。編輯佫另外有共投稿的儂建議所寫的文章篇幅毋通傷長，較 免看報的儂費時，一篇文字較好毋通超過一千字。《漳泉聖會報》除去佇閩南各大教會流 傳以外，佫銷去到台灣、番爿(南洋)遮个所在的教會，不止有名聲。 1949年，即份佇閩南教會刊行61年的報紙宣佈停印。 http://blog.sina.com.cn/s/blog_7a878df20101i8pt.html -- 摘譯台日大辭典查詢http://taigi.fhl.net/dict/ 甘為霖廈門音新字典查詢 http://taigi.fhl.net/dick/ --

※ 發信站: 批踢踢實業坊(ptt.cc) ◆ From: 114.37.85.37

※ 發信站: 批踢踢實業坊(ptt.cc) ※ 轉錄者: sitifan (114.37.85.37), 時間: 03/16/2014 17:08:09