明明白白黃耀明 1995年 「黃耀明有乜你想知？」 問齊身邊所有同事，竟然十個九個話：「唔想知！」 ｏ下？咁個訪問點算？真係頭痛！ 或許是「黃耀明」3個字嚇親你，查實「黃耀明」，不是(9a+4b-6a)+5b，更未至於「王家 衛」；黃耀明可以好Cute，然後像等待吃飯的小貓乖乖地擺尾：「你ｏ的問題好深，唔識 答呀！」哇！真係Innocent，我暈囉！ 測驗I：明明係色盲 ●問題A： 　　 請你用一種顏色來形容自己在樂壇的位置。 ▲答： 　　 黑色。 　　 無論樂壇流行乜ｏ野色，始終都需要有黑色ｏ係度。因為黑色襯乜都得，每個人ｏ既 衣櫃至少都有一對黑襪同黑鞋啦，諗唔到著乜，著黑色就一定冇錯；或者黑色唔係最 流行，但永遠有用。冇我呢類人，樂壇會好悶ｏ架！好似最近我中性打扮，有人話似 Kelly（陳慧琳），咁都幾好ｏ丫，大家有話題講下，幾開心呀！ 紅？睇你點Define「紅」囉！我寧願做一個樂壇「必需品」，有陣時流行自己Or Not 但總需要有你存在。今年流行黑色呢，哈哈！（笑得好奸。） ●問題B： 　　 請用顏色形容男人同女人。 ▲答： 　　 好難答呀，諗下先……（真係諗左好耐，趁機飲左半杯蘋果汁） 我惟有好老套咁答你，女人係紅色，因為唔係好多女人係紅色。紅色令人感覺好強烈 ，但好多女人都未必係咁強烈。 　ꄊ 女人感情好幼係但唔脆弱，尤其今時今日唔少女人仲堅強過男人，比男人更男人。男 人係泥土Toneｏ既顏色，一舊舊粗枝大葉，處事直接，唔似女人多心計，識得為未來 打算。所以男人一遇到困難便容易Break Down，反而冇女人咁Strong。」 ◆測驗I評語： 　　 平日見黃耀明穿得花枝招展，七彩繽紛，於是用顏色來做問題，怎料阿明說：「我對顏色 唔敏感ｏ架！」 哦，明明係「色盲」！ --- 測驗II：明明係「達明」 ●問題A： 　　 點解「達明一派」會復合？ ▲答： 　　（阿明面上浮來溫柔一笑）可以話有少少徇眾要求。自從拆夥後一直有人追問幾時復 合，既然咁高興不如開番個Party啦！ 　　 而且復合係好Romanticｏ既事。原來我同一個叫劉以達ｏ既人識左10年，仲一齊夾過 Band，10年好應該紀念下，趁住「達明一派」出年10週年，就借ｏ的意慶祝囉！ ●問題B： 　　 黃耀明始終都與「達明一派」無從分割，介意嗎？ ▲答： 　　 冇乜所謂呀，冇諗過要將「達明」抹左去，人永遠覺得失去ｏ既係最好，所以「黃耀 明」始終要睇現在及將來。 　　 若然「達明」5年前分開，今日人地都唔會咁Miss不過續集通常失色ｏ架，所以大家 唔好抱咁大期望，哈哈！ ◆測驗II評語： 　　 掉以輕心只是表面態度，阿明臨尾補飛：「有例外ｏ架，《教父》1、2集都好好睇，希望 『達明』係第2集！」 唔，明明仲係「達明」！ 後記： 　　 談的比寫的多。 　　「不寫」因為明知寫了也不懂，連黃耀明都話：「呢ｏ的ｏ野唔ｏ岩《東TOUCH》。」 　　 不過好開心，黃耀明話：《東TOUCH》好睇過《XXXX》。 　　 哈哈，都話黃耀明好Cute，連黃耀明都係睇《東TOUCH》。哈哈 《東Touch》 作者：Denise --

※ 發信站: 批踢踢實業坊(ptt.cc) ◆ From: 218.184.196.67