【梅艷芳遺物拍賣】總成交價531萬 志偉認出手：「獎座係藝人嘅尊嚴」 對於阿梅歌迷會會長蘇小姐今日於拍賣會上，承認曾志偉確有聯絡歌迷會，要求歌迷幫手 舉手，競投阿梅的獎座及金/白金唱片。最後他們成功以101萬投得阿梅67座獎座，可惜金 唱片及白金唱片就被人以60萬高價投得。 其實之前亦有報道指志偉會「出手」，身在外地的他，今日在電話中承認，曾著阿梅的歌 迷會出手競投：「報道出街之後，好多人搵我，包括fans同阿梅老友好似張學友、苗僑偉 、蘇永康同啲徒弟。我就同歌迷會聯絡，fans想拍賣停止，但呢個係法律程序，冇法子。 我同歌迷會商量過，最重要係啲獎座同金唱片，因為係藝人嘅尊嚴，唔可以流出去，所以 我哋以歌迷會名義去投，完成fans心願。」至於67個獎座待稍後開會才決定如何處理。 以60萬投得11張金和白金唱片的男士離開時拍賣場時表示：「我係fans，但唔係歌迷會成 員，如果考慮捐出嚟，我都係見歌迷會唔bid我先bid。」吳伯伯則投得木枱，他坦言亦不 想阿梅遺物四散才出力競投：「梅艷芳係天皇巨星，留少少嘢喺屋企做紀念。」 截至晚上8時55分，拍賣活動結束，由下午1時至今，共拍賣了401件阿梅遺物，成交率達 99.5%。405件拍賣品中，有4件無人出價。總成交價$5,310,100。 新聞來源：http://hk.apple.nextmedia.com/enews/realtime/20131012/51805633 (圖多) --

※ 發信站: 批踢踢實業坊(ptt.cc) ◆ From: 175.182.178.106