十月十日是一代巨星梅艷芳的冥壽，梅姐離世轉眼間已近十年，今日是梅姐的五十歲冥壽 ，梅姐舊愛林國斌首次公開彼此的「同居年代」，兩人曾愛得要廝守終身，可惜同樣好強 的他倆因一次「鬧交」便將緣分鬧翻了。而梅姐的「親密戰友」劉培基，亦特別撰寫一篇 心曲細訴對梅姐的思念。 梅艷芳（阿梅）逝世十周年，與她同襟共枕三年、夫妻關係有實無名的舊愛林國斌（Ben ），猶豫了兩天方肯接受本報獨家訪問，對阿梅作真摯愛的懷念。回首前塵，他無限唏噓 ，萬分內疚，假如沒發生掌摑事件，假如他強迫她早日求醫，假如周遊列國後情訂終身， 結果可能不一樣，遺憾是兩人年少輕狂，沒料過人生苦短，錯過共度餘生的機會。 絕食等男友回頭 「我到今日仍然覺得內疚，我哋係85至86年間相識，90年同居，93年分手，阿梅心地好又 講義氣，我哋同住喺陽明山莊時，某晚返屋企途中，有車爬頭對我豎中指，火爆嘅我即時 落車同對方理論，兩個6呎幾高嘅醉酒老外行出嚟，阿梅以為我唔夠打，想保護我，喺車 上拎咗支壘球棍出嚟，老外見佢劍拔弩張，即時嚇窒閃番上車，我即時暗讚阿梅：『好嘢 ！真夠薑，佢真係一個唔怕死嘅人！』我最怕佢絕食呢招，我會即時投降，我兩日唔返， 佢就真係兩日唔食嘢。」 發生卡啦OK掌摑事件後，影圈掀起前所未有的血雨腥風，阿梅無辜捲入江湖追殺令，在 Ben陪伴下遠走他方，這半年是兩人最甜蜜的日子，阿梅亦決意離開舞台，兩人計劃共度 此生，Ben說：「問我哋點解會分手？有段時間為小事嗌大交，兩敗俱傷，我搬番屋企， 終日花天酒地，有晚對住四幅牆、幾隻狗，眼角竟然滲淚。」阿梅有病阿Ben一開始就知 ，在她姊姊梅愛芳病逝時，阿梅曾想重修舊好，可惜覆水難收，只因當時Ben已有女友。 「如果當時佢係我女友，我會同佢睇醫生，喺佢死前一個月，我聯絡唔到佢，直至朋友話 畀我知佢唔得，我趕到醫院，可惜佢昏迷已久，見唔到最後一面，如果一切可以重來，個 結局斷唔會係咁。」 而曾與阿梅拍拖的趙文卓表示與對方有很多難忘片段，一切在心中：「比較難忘是我在香 港那幾年的時間，很懷念她，肯定永遠都在心中。」 新聞來源：http://the-sun.on.cc/cnt/entertainment/20131010/00470_010.html --

※ 發信站: 批踢踢實業坊(ptt.cc) ◆ From: 175.182.178.106