MIRROR舞台設計惹爭議 郭富城指兩日踩台時間少： 歌手專注表演，要去理舞台安全唔合理 郭富城今日到西九文化區出席第46屆香港國際電影節開幕禮，他連續第四年擔任電影節大使，而他主演的電影《風再起時》亦成為開幕電影之一。《風再起時》再次以「四大探長」做題材，城城演磊樂，而梁朝偉演南江，他說兩人有火花、有默契，而城城又為角色花了好多心思，「今次橫跨好長時期，中間要由年輕演到老，又要由瘦變肥再變瘦。」 近日MIRROR演唱會的舞台設計惹爭議，昨日Frankie更不小心差錯腳碌落台，城城受訪時分享個人經驗：「講緊好多年前嘅時候，唔會兩日時間咁短。」他指自己通常有3至4日時間踩台，又指場務同事會特別提醒舞台地勢、危險位置，到自己踩台時會份外小心記住細節位，而團隊亦會提前租地方搭建1:1舞台，讓他事先熟習。 城城又說自己在演唱會之前會專注唱歌及表演部份：「盡量多啲時間了解個台，同埋監製應該係最清晰，好多時候內部開會最多，歌手一定係最專注表演部份。內部應該係不斷檢討，唔會去到歌手要去擔心，佢要解決好晒再話你知，去到歌手都要解決埋係唔合理，因為歌手全神貫注喺綵排，到歌手去綵排時已經要係妥當晒。」他希望所有演唱會工作人員都平平安安：「所有工作人員，無論係台、燈、聲都要上台，唔只係歌手，仲有dancers，希望佢哋都演出平平安安。」 另外，好友林志穎早前在台灣無故遇上車禍，城城亦送上祝福：「睇到新聞我都好擔心，但呢個時候唔方便騷擾佢，希望佢早日康復，畀多啲空間佢，希望可以同大家一樣再一次見到佢。」 影音： https://youtu.be/fiXmX9lzltc #MIRROR #演唱會 #郭富城 #娛壹 http://i.imgur.com/bNN2L7A.jpg ----- Sent from JPTT on my Samsung SM-N960F. -- _.,-*~'`^`'~*-,._.,-*~'`^`'~*-,._,-*'^`*''~*-,._.,-*~'`^`'~*-,._,-*'^`*''~*-,. ╭═╮ ╮ ╭═══╮ ║║╬═╮ ╔╔╩╮╮ ║ ║╰═╮╮╭╮╭═╮╮╭╮ ╚═╬══ ╠═══╣ ║║║ ║ ╚╠═╣╝ ╠═╣╭═╣╠╯ ║ ║╠╯║ ══╬══ ║ ║ ╰╣╬═╩ ╚╚╦╝╝ ║ ║╰═╩╰ ╰═╯║ ║ ╚═╩══ ╰═══╯ ╰╝╯ ● ╱ ║● ＊＊＊＊＊＊亞洲唯一，動靜皆宜真天王－郭富城～１０２６生日快樂~!!＊＊＊＊＊＊＊ --

※ 發信站: 批踢踢實業坊(ptt.cc), 來自: 1.163.41.85 (臺灣) ※ 文章網址: https://webptt.com/m.aspx?n=bbs/AaronKwok/M.1658924508.A.609.html ※ 編輯: julie1026 (1.163.41.85 臺灣), 07/27/2022 22:04:33