郭富城演沉鬱角色回家見寶貝女助抽離 透露今年將開演唱會 20210426 香港蘋果日報 郭富城與許瑋甯、段奕宏等人參演何正道執導的電影《秘密訪客》，將於5月上映，當中 郭富城飾演有錢人，外人看來幸褔，有靚女許瑋甯做太太，二人育有一仔一女，但他的性 格高冷、沉鬱，因家中來了不速訪客段奕宏，帶出一個不尋常家庭的懸疑故事。早前郭富 城接受訪問，透露拍此片的同時也在拍攝《麥路人》，因為一直欣賞這位導演，喜歡對方 創作的故事結構紮實才接拍。 由於該片在韓國一家大屋拍攝，所以那時郭富城要往返兩地，而《秘》和《麥》兩個人物 角色差異大，他憑經驗游走於兩角色性格之間：「呢個對我係一個挑戰，《麥》係做流浪 者，《秘》我係大家族、好有錢，身份好大對比，但設計角色好紮實易揣摩，始終拍攝咁 多年識點分開，故事人物構思易進入狀態。」 一直以來郭富城多數拍劇情片，先後演繹過鍥而不捨的偵探、變態殺手、爛賭父親、正直 的警務處長、潦倒雙失的中佬，今次演繹性格陰沉的角色，與現實中的他很大差別。最能 令他抽離角色，就是回家看到兩個寶貝女：「返到屋企可以抽離到，見小朋友就抽離到。 盡量唔帶（情緒）回家，識調整心情。」 難忘拍《殺人犯》難抽離 眾多戲中，他認為當年拍《殺人犯》纏擾最久：「最難係《殺》片，做訪問講起件事又返 去嗰個時候，宣傳時又再返去。曾發過一個夢，自己係一個殺人犯，好似殺咗人，埋咗屍 喺邊，嗰陣好深體會，提起時又好易諗返起嗰樣嘢。不過我多興趣，宣傳完去賽車分散吓 就忘記。」其實他有興趣拍喜劇，覺得現時沒有偶像包袱，更自覺有喜劇感，可嘗試拍這 類題材：「要慢慢發掘吓，喺屋企好funny，喺個女面前要 佢哋開心。」 在《秘》片中，很多場口都提到一家人坐在一起用膳，就算郭富城切開一條魚也隱藏故事 ，加上音效的配合，更引起觀眾疑惑。在拍攝現場演員順便大飽口褔，郭富城回想也特別 開心：「好多唔同場口都講一家人食飯，都係有內容有對白能牽引觀眾入嗰個情緒，所以 美食不能缺少，導演搵咗一個好叻嘅廚師喺現場煮。真係好好食，我從未試過咁。廚師喺 隔籬就整，熱辣辣上菜，NG咗都係咁食。有場戲食牛扒，用慢火煮24小時，到而家都仲記 得，好特別。」 今年開演唱會 另外，郭富城5月會再拍攝新戲，他漏口風今年會開演唱會，製作團隊已在開會中，只透 露並非跨年檔期。在這段疫情下，郭富城多留家陪伴女兒，興趣也由動變靜愛上寫書法。 早前太太方媛在IG貼出他的作品，他說：「7年前開始睇畫，間中都有收藏，望住畫有喜 悅、開朗心情，我開始上網睇畫家教人畫畫，跟住搵老師學。」自言每個人都可以有天份 ，只要肯努力，而他差不多每天有空都會練習。影相擺甫士時，都忍不住笑指可能練習書 法有功，樣子也變得慈祥。 攝影︰陳慧安 攝錄︰葉君海 化妝：Terry Yu 髮型：Ian Wong @ ii Salon & Nail http://i.imgur.com/aTJGkg2.jpg 新聞來源: https://tinyurl.com/4wr4r6ku --

※ 發信站: 批踢踢實業坊(ptt.cc), 來自: 36.230.183.239 (臺灣) ※ 文章網址: https://webptt.com/m.aspx?n=bbs/AaronKwok/M.1619442174.A.CD5.html