囡囡老婆未見影 城城孖Sunny慶祝52歲生日 2017-10-26 12:29:54 香港蘋果日報 今日係郭富城52歲嘅生日，佢日前出席活動時就好開心同大家分享初為人父嘅喜悅，仲話囡囡Chant係佢今年收到最好嘅生日禮物 凌晨時份，城城嘅經理人小美就喺fb貼咗城城同下周二(31日)生日嘅排舞師Sunny Wong(黃國榮)，一齊慶祝生日嘅相，小美仲留言：「兩個天蠍座好朋友一起慶生，充滿歡樂。祝願大家永遠開心。平安。A night full of joy and blessing 。」 雖然相中就未見到城城嘅老婆Moka(方媛)同囡囡Chant，但城城依然玩得好開心，同Sunny切蛋糕前，仲好high咁跳番part舞！除咗同Sunny一齊切蛋糕慶祝，小美亦都上載咗楊千嬅老公丁子高同城城慶祝嘅相，相中見到丁生仲訂咗一個「舞台王者」造型蛋糕，送俾城城，真係好有心思呀！ 另外，一向視城城為偶像、喺佢身後跳過無數隻舞嘅麥秋成，亦趁住呢個大日子，特登製作咗一條跳舞片送俾城城，幾分鐘嘅短片入面，麥秋成揀咗過去10幾年城城嘅跳舞歌，同幾個舞蹈員一齊跳。 麥秋成喺facebook留言話：「1991年，他令我開始接觸舞蹈。那年，不知把錄影帶返轉了多少次，為求跳那一刻的舞步。我亦走上跳舞之路。感激他的啟發。從他的後面，去到中國好舞蹈，感恩我遇見的一切。」佢又話今次忽然諗起要製作呢條片，係想趁城城生日表達敬意，仲話細佬係城城嘅終極fans，同佢一齊通宵剪片。 http://i.imgur.com/NBn3rEg.jpg 新聞來源: https://hk.entertainment.appledaily.com/enews/realtime/article/20171026/57378892 阿王1026生日快樂！ ----- Sent from JPTT on my LGE LG-H815. -- ☆☆☆ 天多高 捉不到 挽手走天涯 我照做 ☆☆☆ ★★★ 風不息 風低訴 最好的歌兒一起哼到老 ★★★ ☆☆☆ Twinkle Twinkle Little Star ☆☆☆ ★★★ How I wonder what you are... ★★★ --

※ 發信站: 批踢踢實業坊(ptt.cc), 來自: 110.28.103.204 ※ 文章網址: https://webptt.com/m.aspx?n=bbs/AaronKwok/M.1509005325.A.1E3.html