城城預告紅館騷有新嘗試 2016年04月19日(二) 20:05 【on.cc東網專訊】 郭富城、白只等主演電影《踏血尋梅》於今年各大電影節中獲了多個 獎項，電影公司今晚特別搞了一個電影祝捷會，郭富城、白只以及翁子光等均有到場。會 上，主持問大家會否再合作，城城直言原班人馬必定要再合作多一次，並向導演翁子光搞 笑「示愛」，城城看着翁子光表示：「我知道導演依家好忙、好多戲拍，但我會等你，就 算等十年都會等。」 有口碑最開心 憑該片首度獲得金像獎影帝的郭富城，甫到場即跟眾人握手，心情大靚，問他是否已慶祝 了很多次，他笑言：「多到都唔記得！（超過十次？）咁又冇，都係同屋企人、朋友慶祝 ，今晚可以同台前幕後坐低食飯慶祝。」《踏》片於四月八日再度公映，票房至今達八百 萬元，城城對此大感高興，不過他不太清楚實際數字，直言有口碑最開心，他謂：「之前 我有啲朋友出咗差睇唔到，依家重映佢哋可以睇番，都話好好睇！（咁你女朋友有冇再睇 ？）唔講咁多私人嘢。（佢應該好欣賞你喎？）唔講咁多私人嘢。」 傷腳好番九成 城城揚言未來將會有很多工作，八月要開演唱會，現在則為新戲開會中，問城城之前腳傷 好番未？他表示：「睇咗一個運動科醫生，係發哥（周潤發）介紹嘅，呢個醫生幫我冇痛 復原。（即係好番未？）做咗三個月，好番九成半，跳舞都冇影響。」說畢，城城即跳了 幾個舞步，證明自己好番好多，並表示：「好番好多但唔可以玩高危活動，好似滑水、滑 浪咁。」 談到八月的演唱會，城城揚言紅館未試過的東西都想去嘗試，對自己要求非常之高，亦希 望網羅世界各地的舞蹈員參與其中。至於電影，城城指下個月會飛吉隆坡拍黑色幽默電影 《肇事者》，戲中是飾演一位警察，而早前跟春夏再合作的內地電影《天亮之前》則會在 六月上，春夏今次只是客串。 城城話對自己要求好高，紅館騷會有新嘗試！ http://i.imgur.com/ZnMNybJ.jpg 城城同導演「示愛」，話就算等十年，都會等呀！ http://i.imgur.com/rWDZtvt.jpg 城城話傷腳好番九成，仲可以跳舞添 http://i.imgur.com/nbGiBjz.jpg 晒埋獎 http://i.imgur.com/4ETWORZ.jpg 影音及新聞來源: http://goo.gl/LcMTBl -- 花開花落 歲月如歌 。。。一‧直‧都‧在。。。。 還對我說 只要我快樂 一起歡呼 一起失落 ＊ 郭富城 Aaron Kwok ＊ 奉上一生祝福 不嫌多 儘管不可朝夕相見 ‧ 世界巡迴演唱會香港站 ‧ 這最深的愛 永不走開 你總會說 依然愛我＊ 凌空 以歌 會舞 ＊ 說好一直都在 疼我... 。。。。。。。。。。。。。。 全新舞台 八月重臨 凌空重裝 顛覆紅館 --

※ 發信站: 批踢踢實業坊(ptt.cc), 來自: 36.228.15.238 ※ 文章網址: https://webptt.com/m.aspx?n=bbs/AaronKwok/M.1461083405.A.24C.html ※ 編輯: julie1026 (36.228.15.238), 04/20/2016 00:30:57