【父女片催淚】城城俾「囡囡」冧爆：將來都想生個女 2015年09月22日 20:30 香港蘋果日報 郭富城近日同4歲多小女孩Peony合作拍微電影《愛在當下》，劇情交待兩父女踩單車台灣 環島遊，令城城同Peony建立咗一份父女情。今晚佢哋現身，城城全程肉緊湊女。 Peony戲中向城城講咗一句叫爸爸唔好老，呢句話窩心又催淚，城城台上話：「我聽到呢 句對白，當時個心好似停頓咗，我感受到佢好珍惜爸爸，拍完令我有啟發，當時間過去咗 ，冇辦法捉住，大家要諗吓點去表達一份真實嘅感覺，例如：攬吓、錫吓愛錫嘅人。」城 城爆料Peony拍攝其間一度鬧情緒，城城話：「佢掛住自己爸爸，佢話我唔係佢真爸爸。 」Peony鬧情緒咗三粒鐘，城城就慈父上身陪佢摺飛機。司儀追問城城幾時做真爸爸？佢 話：「希望有一日結婚成家，有自己嘅小朋友。」 城城狂冧Peony，莫非真恨做老竇？佢反問：「係咪呀，如果大家覺真實，有一日我成家 有小朋友，相信我都係一個好爸爸。」城城話真命天女等上天安排。電影世界，城城喺電 影《父子》有囝囝吳澋滔，O依家有埋囡囡Peony，問到城城會唔會勾起同亡父回憶，佢話 ：「父子關係唔同，囡囡錫一啖好似融化晒，將來都想生個女。」城城話生兒育女要有計 劃同責任，佢相信保持心態就唔怕同子女有代溝。 http://goo.gl/7KkOgp 城城最近一條父女片瘋傳，大家都大讚溫馨感人。 http://goo.gl/ZdHV29 呢個就係城城個「囡囡」Peony http://goo.gl/Ib5eIH 邊個治得到郭天王? http://goo.gl/zgfVyX 都係小女孩嘅專利.. http://goo.gl/gT41rL 一臉慈父相 http://goo.gl/98xMfU 與現實中的黃小均父女一起合照 http://goo.gl/nulVo0 http://goo.gl/IST1vE http://goo.gl/lcqAui 資料來源: http://hk.apple.nextmedia.com/enews/realtime/20150922/54234006 -- 我們把這一刻 變做永恆 心中的歌 唱入靈魂 我為你奉獻我最好的情歌 只因為對你 愛 愛 愛不完 對你愛 愛 愛不完 我們說好 永遠愛不完... --

※ 發信站: 批踢踢實業坊(ptt.cc), 來自: 220.141.134.190 ※ 文章網址: https://webptt.com/m.aspx?n=bbs/AaronKwok/M.1442937220.A.589.html