【狂扭籮】舞皇降臨千嬅個唱 與「城」共舞全場high爆 2015-1-27 香港蘋果日報 噚晚楊千嬅嘅《Let's Begin 世界巡迴演唱會2015》喺紅館準時開騒，全場爆滿，前晚容 祖兒做千嬅嘅嘉賓，已經令到全場觀眾非常驚喜，而喺噚晚出場嘅郭富城，更令全場觀眾 企起身跳舞同尖叫。 千嬅除咗唱出《E714342》、《冰點》、《笑中有淚》同《可惜我是水瓶座》等等之外， 仲講咗一件靈異事件，千嬅話：「前日我老公要跑馬拉松，一早返屋企瞓，我完騷返到屋 企，佢已經瞓咗，我坐喺床尾嘅地下聽歌記歌詞，突然有隻手拍我，我拎轉頭見到我老公 好疑惑咁篤我膊頭，然後2個人就互相嚇到大叫!原來佢喺我後面嗌咗我15分鐘，但我一直 伏喺床尾自言自語又搖頭擺腦，聽唔到佢嗌我，佢仲話我個人仲好似撞邪、鬼上身咁!」 而喺演唱會「安哥」部份，「舞台皇者」郭富城現身，即引起全場大合唱《對你愛不完》 ，城城說：「點解我揀呢首歌?因為我知道千嬅好幸福，有你哋支持佢，所以對你愛不完 。」城城又爆千嬅秘密練舞，佢話：「千嬅真係好勤力，佢喺我排舞室練習，有一日我返 到去做自己嘢，聽到佢間房傳嚟好熟悉嘅音樂，原來係我嘅歌喎！大家想唔想聽呀？」音 樂響起，原來係《狂野之城》，咁啱噚日係1月26號，《狂野之城》嘅第一句歌詞就係「 二十六夜，熱力在四射...」非常呼應，唱到中段，千嬅仲同城城一齊jam舞。 合唱之後，千嬅感謝城城專程從內地拍戲趕返港做嘉賓，佢話：「人生之中，喺工作上城 城係一個好好嘅模範，係我好尊敬同尊重嘅藝人，我現場睇你每一個騷，都好有力量，好 有毅力，係作為後輩好好嘅學習對象，請受我一拜!」千嬅隨即單膝跪，城城亦都陪佢一 齊跪。之後千嬅送城城回台下嘅時候，仲話：「各位，我要送城城落台，阻大家30秒！順 便抽一抽水先！」 http://i.imgur.com/4U4Y7mW.jpg 舞皇降臨 http://i.imgur.com/18BgQ9o.jpg 一出場就全場high爆。 http://i.imgur.com/q9Gxf66.jpg http://i.imgur.com/8Im7Lo0.jpg http://i.imgur.com/hAlYA3L.jpg 千嬅拜一拜城城。 http://i.imgur.com/SN1WHoc.jpg 資料來源： http://ppt.cc/jBm7 影音： 郭富城擔任楊千嬅個唱嘉賓完整版表演 http://m.youtube.com/watch?v=pTM30dfzYaQ&sns=fb -- Sent from my Android --

※ 發信站: 批踢踢實業坊(ptt.cc), 來自: 111.83.187.142 ※ 文章網址: https://webptt.com/m.aspx?n=bbs/AaronKwok/M.1422349637.A.9C4.html ※ 編輯: julie1026 (111.241.89.206), 01/27/2015 23:09:36