城城拖實最重要女人 擦餐勁 2013-5-13[香港蘋果日報] 冇咗愛情，好彩仲有親情，始終親情無價!天王郭富城同熊黛林（Lynn）早前宣佈甩拖、 結束七年情，回復「鑽石王老五」身份後嘅城城，同Lynn再見亦是朋友；而同傳係小三嘅 苟芸慧，城城亦處處維護。 其實城城無論有冇女友都好，佢心目中最重要同最具份量嘅女人，必定係郭媽媽。噚日母 親節，城城就約實呢位生命中最重要女人開餐，晚上七點左右，城城單拖現身銅鑼灣西苑 酒家，佢仲好親民咁同粉絲合照。 原來城城係約咗媽咪食飯慶祝母親節，據酒家門外貼嘅菜單所示，6位用嘅慈母宴為 $4,688元，12位用嘅敬母宴就要$8,880，唔知城城同媽咪食咗乜呢？至晚上十點幾，城城 拖實媽咪離開酒家，當時城城心情靚爆，佢同媽咪講：「佢哋影張相。」當城城聽到被讚 係孝順仔時，就笑笑口話：「食餐飯啫，辛苦大家。」 去年城城送錶畀媽咪做母親節禮物，今年又送乜呢？城城就懶神秘不願透露。不過當城城 聽到今年冇Lynn陪過母親節會唔會唔習慣時，佢就收起笑容，變晒臉咁話：「唔講呢啲， Ok？」 至於城城舊愛Lynn噚晚亦有同媽咪合照，相片中Lynn晒素顏，而熊媽媽拎住支花，面前仲 有個母親節蛋糕添，Lynn留言話：「祝天下所有的媽媽，母親節快樂！你們永遠那麼美！ 」 郭富城侍母至孝，佢同媽咪開完餐後，拖實媽咪離開酒家。 http://ppt.cc/900d 郭富城唔肯透露今年送乜禮物畀媽咪。 http://ppt.cc/RD6q 郭富城應粉絲要求合照，非常親民。 http://ppt.cc/UuMl 乖仔，抵錫。 http://ppt.cc/SsVW 唔知城城同媽咪食咗乜嘢呢？ http://ppt.cc/OQNN 資料來源: http://hk.apple.nextmedia.com/enews/realtime/20130513/51405315 -- 你是無可比 呼吸中因你給我空氣 你是無可比 枯乾中給我添生氣 讓我看見了愛 讓我看見了真的自己 是你教我去愛 又教我能明白了福氣！ --

※ 發信站: 批踢踢實業坊(ptt.cc) ◆ From: 118.161.45.76