徐子珊退出娱乐圈追博士梦 近年热衷心理学的徐子珊，半年前获硕士名衔，为继续追梦，甘愿放弃经营多年的演艺事 业，宣布退出娱乐圈！她坦言过去多年似为「形象」而活，失去自我，加上性格缺陷令人 际关系有障碍，故决定40岁送自己一份勇气，移居欧洲生活兼进修，藉此寻找真正的自己 ，并开始卖车、卖豪宅，实行全面撤出香港。 「真系好锺意读书」 港姐出身的徐子珊，15年来於歌影视三栖发展，成绩不俗。近年她却重返校园，修读心理 学硕士及珠宝设计课程，经过两年的半工读，半年前已顺利毕业，再加上与王祖蓝公司的 合约届满，促使她认真规划将来，最後选择退下火线，正式向水银灯说再见，做回一个普 通人。 子珊日前接受本报访问，娓娓道出这个决定的由来：「有挣扎过，但又真系好锺意读书， 之前又返学又拍剧好辛苦，好彩成功毕业。我希望继续呢方面发展，冇谂学到边个阶段， 但会系心理学研究，可以继续读博士、教育同临床方面，想去外国进修，学读到同读唔到 嘅嘢、生活上嘅智慧，所以会去第二度生活，将基地搬去外国，畀多啲时间同空间做自己 想做嘅嘢。」 资金充裕　生活无忧 问到是否已储落一大笔钱应付往後开支？她表示向来悭俭，故手上资金绝对维持到日後的 生活水平，并笑言食薯仔比食米芝莲更开心。至於会在欧洲哪个城市定居？她说：「呢半 年我飞好多次，四围睇边度适合自己，其实荷兰同德国都有心理学，非常唔错。（唔再返 香港？）希望系咁，舒服啲！呢份勇气系送畀自己40岁嘅礼物，所以想尽快走。（会唔会 返转头？）就算系都系幕後，唔会幕前。」 「生粒暗疮都觉得错」 谈到演艺生涯，子珊坦言未能完全做回自己：「以往系为一个形象开工，每日花两个钟扮 靓，好注重外表，生粒暗疮都觉得自己错，好有压力！（离开无綫更认识自己？）未够， 过去3年签咗经理人公司，但觉得系人哋照顾我，好温室，令我唔识应付好多嘢，几时进 退都唔识。（几时醒悟？）当然碰过好多钉，人生亦唔会冇，工作之外，我人际关系有障 碍，性格亦有缺陷，要包容自己，只系过去15年醒唔到。」 硕士毕业加上艺人合约完结，子珊可谓一身轻。问到撇除艺人身份会否自由度大增？她坦 言：「离开香港会更好，香港环境好难，外国得到力量系唔需要从众，好紧要，可以独立 思考做决定。依家希望向博士方向进发，研究都冇问题。（卖晒香港资产？）系呀，最唔 舍得架车，层楼有啱价钱就放。」 憧憬结婚：等爱情搵我 虽然子珊表示经过深思熟虑才决定退出娱乐圈，但此举不难令外间猜测她秘密结婚，她对 此哈哈大笑说：「秘密呢样嘢，依家仲有鮁咩？」单身多年的她不讳言向往爱情，但不会 强求，认为一切自有上天安排，难怪她满有信心说：「我觉得呢个人应该喺外国等紧我， 我唔会去搵爱情，等爱情去搵我。依家追求内心嘅平静，呢样嘢唔容易。有个教授曾经讲 过『当愈学得多，到头来发现自己原来好唔识嘢』，呢番说话对我好深感受。（即系你偏 向喺外国组织家庭？）似系罗！但冇人睇到将来。（憧憬结婚？）有憧憬开心嘅将来。」 给粉丝的话： 子珊入行15年，遇过高低起伏，但粉丝对其热爱不减，如今她有个新开始，临别前不忘向 一班多年的支持者讲多谢：「其实4年前离开无綫，已经Close咗影迷会，但我哋继续有联 络，呢班Fans为我做咗好多嘢，真系好多谢佢哋。记得头两年我带佢哋去做义工，所以希 望往後日子，即使我唔喺香港，佢哋都会继续去做呢样嘢。」除了粉丝，子珊特别感激娘 家无綫多年来的爱锡：「畀咗好多机会我，令我长大，尤其系乐小姐（乐易玲），佢真系 好似妈妈，对我好好。」 Source: shorturl.at/kvAQ6 ---------------- 你们喜爱子珊哪些作品啊~ --

※ 发信站: 批踢踢实业坊(ptt.cc), 来自: 219.73.92.32 (香港) ※ 文章网址: https://webptt.com/cn.aspx?n=bbs/HK-drama/M.1577194773.A.A6E.html