作词：武雄 作曲：曹雅雯、 张三 想着吐大气，讲着讲归暝，阁掀开往事的旧相片 细汉彼当时，古早的记持，总是愈想愈痛愈稀微 传统的家庭，保守的当时，重男阁轻女，算来无稀奇 父母望後生，偏偏不如意，伊的顶面有四个阿姊 对招弟来弟，到引弟带弟，换到伊，号名叫罔市 名虽然菜市，但是人盖媠，人拢讲伊是，万丹的西施 罔市生媠面肉白，迷倒规庄的少年家 偏偏罔市(亻因)老爸，管了真严阁歹性地 莫怪庄内的姼仔诙，不时嘛唱歌共伊诙： 只能回味，只能回味，罔市最难追 时间伫咧过，亲像风咧飞，愈大汉罔市愈美丽 爱钱的老爸，做主将伊嫁，可怜的婚姻像买卖 翁是有够花，阁有歹大家，这款的日子，实在无好过 日子无好过，日子仝款过，目一(目聂)囝已经生两个 世事会轮回，好歹会轮替，彼年翁生理煞出问题 为着欲照顾，厝内大佮细，只好出卖伊的面底皮 罔市生媠面肉白，伊是出名的众人迷 数想的人有够济，双手来拨拢拨袂退 想空想缝的人客，不时嘛唱歌共伊诙： 来来来，请跟我举起杯，跟罔市 乾杯 各种的风声，传甲真歹听，真紧就传到(亻因)翁遐 有影也无影，啥人拢讲袂听，(亻因)尪愈骂煞愈大声 双人的缘分，既然行到遮，不如切切咧较快活 罔市叹一声，目屎早就焦，管伊女人是啥物命 逐项拢无爱，只爱两个囝，是做人老母的心情 一旦若看破，心内无牵挂，转去後头过着新生活 伊是万丹的查某囝，转来万丹卖红豆仔饼 问伊日子过了按怎，伊是恬恬拢无出声 越头看伊彼两个囝，唱一条歌予家己听 红豆仔烂烂，红豆仔(火君)烂烂，怨叹嘛无较縒 红豆仔足韧命，风雨嘛拢毋惊，看破就无算啥 -- 　 　烟笼寒水月笼沙， 　终古垂杨有暮鸦。 　东风不与周郎便， 　飞入寻常百姓家。 rogerxul 胡陇‧夜游江见渔人听牌 --

※ 发信站: 批踢踢实业坊(ptt.cc), 来自: 1.162.163.141 (台湾) ※ 文章网址: https://webptt.com/cn.aspx?n=bbs/lyrics/M.1645888583.A.EF9.html