新加坡小姐出身的孙佳君，当过周星驰绯闻女友、身家20亿富豪的红颜知己，前半生 瑰丽璀璨。2003年起淡出影坛，成为出入名画拍卖会、古典音乐会等高尚场合常客。 2009年因被同居男友毒打而对簿公堂，揭开她已身为两子之母的底牌。今年9月，孙佳 君宣布加盟英皇电影艺人管理部，全面复出拍戏。这位热爱家庭的单亲妈妈，将一连5 日讲述被周星驰及王家卫玩谢的往事、对罗兆辉的回忆及当年引退组织家庭等无怨无 悔的前半生。 《百变星君》系我呢生人第一套电影，嗰时乜都唔识。後来我每次睇番，都觉得如果畀 我有机会再嚟过，我一定唔会化个咁浓嘅妆！唔系周星驰为咗搞笑要叫我咁化，系我细 个唔识化妆，周星驰虽然唔会提你要注意啲乜，但我好多谢佢嗰时搵酒泼我，帮咗我好 大忙。 有场戏讲我要畀周星驰攞杯酒泼落块面，我拍咗两个take，佢话：「你个表情快咗，好 似预咗被人泼咁，唔啱个戏，嗱！阵间我讲完句对白，你心入面数三声，我至泼你啦。 」结果数完一，佢就泼咗落嚟，我完全冇预佢会咁罗！不过我一啲都唔难受，反正早啲 泼、迟啲泼，我都系要被佢泼o架啦，呢场戏佢仲帮咗我好多添，我要多谢佢。 论梁家辉：强劲嘅对手 因为呢套戏，我同周星驰传绯闻，讲真，我同佢真系好耐冇联络，呢次我返出嚟再拍戏 ，冇搵过佢，但如果你问我想唔想再合作？当然想！亦都唔会惊同佢再传绯闻，因为我 谂传过一次，应该唔会再传啩？ 况且我觉得自己依家已经唔同，以前我未开窍，真系唔知拍戏系咩一回事，直到电影《 黑金》同梁家辉合作，佢的确系好强嘅对手，佢教我就算未埋位都要留意灯光，咁可以 帮到自己走位。因为佢太专业、戏又好，搞到我都唔敢松懈，拍呢出戏之前，我都唔识 咩叫紧张，但同梁家辉合作，我就好认真投入咁去拍呢套戏。 论王家卫：好多unknown 後来我拍《花样年华》同梁朝伟合作，伟仔连试戏都好认真，虽然我拍呢套戏嗰时好多 都系unknown，王家卫导演只系话畀我知角色人物性格系点，每日去到现场开工，至会 话我知当日要做乜戏。我觉得自己就好似一块Puzzle，但唔知成幅Puzzle砌紧乜！砌出 嚟系咩画面？每日好似即兴演出咁，都系一个好难忘嘅经验，因为对磨练同提升演技真 系好有帮助。呢套戏最後正式上嗰阵，我同张耀扬虽然只系得把声，但我都觉得冇所谓 ，最紧要学到嘢，而且特别版VCD都有收录番，都OK啦。 口述：孙佳君 笔录：影视组 摄影：吴文聪 场地：Il Caffe 化妆：Natalie Soo（D-mop beauty by ND & Co.） 【东方日报专讯】2012-10-15 http://www2.news.sina.com.hk/news/18/1/1/2798807/1.html?l=978548 --

※ 发信站: 批踢踢实业坊(ptt.cc) ◆ From: 118.163.121.192