http://hk.apple.nextmedia.com/realtime/entertainment/20130208/51258716 甜蜜出埠 忆莲主动跷实硕良 今日年廿八，又系港人出埠度岁好时节。今早十一点几，先见到温拿五虎出动，阿伦话佢 哋系去大马开工，至於赶唔赶到年初一返港？阿伦不置可否，只系笑笑口话﹕「都系嗰啲 日子啦﹗」但阿B锺镇涛个微博就似系泄露咗佢哋初三返港嘅玄机喇。 机场客运站人来人往……等呀等，啱啱终於等到林忆莲同佢嘅音乐情人恭硕良双双现身。 只见恭硕良拎住大件乐器，喺闸口等查证件。记者即刻走埋去同佢哋影番张靓相，二人未 有避忌，更加冇黑面，仲笑晒任影，不过恭硕良就用件乐器遮住块面，唔知系咪怕丑喇。 影咗一阵，都系时候出发喇﹗此时忆莲忽然化身小鸟依人，主动跷住恭硕良只手，再望实 男方，甜甜一笑，然後挨咗个头落男方肩上，冧到不得了﹗恭硕良再同大家讲咗句﹕「新 年快乐﹗」就同忆莲甜蜜蜜办登机手续去了﹗ --

※ 发信站: 批踢踢实业坊(ptt.cc) ◆ From: 61.57.128.204