星街： Sammi灭臭四不求神 12/12//2009 【苹果日报】曾几何时，「郑臭四」是一个禁忌，不能在郑秀文（ Sammi）面前提起，没 想到这三个字，今天竟然出自她口中， Sammi说：「唔系话我信咗神就立刻可以由『郑臭 四』变做『郑四万』，咁样太神化。」外间总是将 Sammi的改变神化了，其实年事渐长， 也是令她蜕变成郑四万的原因之一。　 对於「臭四」这个称号， Sammi心知肚明，但从没在意，她坦言：「当时嘅我自信又自大 ，心谂改个咁嘅名咪改罗，一个名对我嚟讲并唔重要。」问她当时脾气是否很差，经常对 身边工作人员发脾气？她说：「唔好话发脾气，应该系用『放任』嚟形容，我相信同我做 嘢嘅人一定会感受到。我系唔会乱咁闹人，只可以话，我以为爱我嘅人都可以包容到我， 所以我会将最真嘅一面表露出嚟，有时会用错咗方法，我高估咗呢种爱，原来会令人感到 痛苦，系唔可以咁放任。」 感恩：弟弟无限包容 Sammi指了解她性情的人，就会懂得如何与她相处，就如她的亲弟，多年来为她处理工作 上的问题，在她最忙的几年间，无论发生任何事，她的弟弟都会包容她，从没怨言，深明 她承受沉重的压力，一直在她身边扶持帮助她。回想过去， Sammi感动地说：「呢种包容 真系好唔话得，有时同细佬倾偈讲番，佢只会讲：『得啦，明白 o架喇。』真系好感激。 」 性情上的改变， Sammi强调并非全凭信仰，因为这种说法未免太神化，她说：「人大咗性 情就会改变，依家我嘅生活好稳定，好多嘢都 settle晒，可以选择想要嘅生活，容许我 有所改变，唔系话我信咗神就立刻可以由『郑臭四』变做『郑四万』，咁样太神化，唔系 咁表面同肤浅罗。」 迷失：身心备受困扰 人生方向突然起了变化，当中 Sammi经历过甚麽，令她有所顿悟？有传早年拍罢电影《长 恨歌》後，因劣评如潮，令她情绪备受困扰而患上抑郁症，久久未能释怀投入工作， Sammi坦率承认确曾患过抑郁症，但从未看过心理医生，她忆述：「其实拍《长恨歌》之 前，我已经觉得自己怪怪哋，无论身体同心灵上都好怪好迷失，有人讲过抑郁症系因为身 体嘅血清素产生咗变化，食药可以控制，但当时唔觉得睇医生可以帮到我，食几多药都冇 用，因为好似有好多问题解决唔到，生命同心灵上都有好多困扰缠扰住我。」 何事缠扰住这位乐坛天后，令她未能解开心中郁结？ Sammi娓娓道来：「当时对生命嘅睇 法系错嘅，成日都谂住自己要做个优秀卓越嘅人，要点样做先可以对世界同屋企人有所贡 献，乜嘢都要追求完美，追求唔到就会令我极度痛苦，感觉好惨烈，直情有啲走火入魔， 乜嘢都要做到最好。好以我要瘦咁，我想瘦到得番 21寸腰，根本就冇可能，一啲都唔健 康，完美本来就好难界定，好介意人哋眼中点样睇自己，就连结果都要自己掌握，但系其 实每样嘢都唔可以预计。」 其实 Sammi早在十多岁时，已在胞姊带领下信主，她笑言：「不过嗰时嘅信念好吔吔乌， 唔觉得要认真对待自己嘅信仰，到有事嘅时候，喺神嘅安排下，我又重新认真对待自己嘅 宗教，令我对生命有咗唔同嘅睇法，开始将所有嘅结果交畀我呢位大佬去安排，鶽家只会 着重我有冇尽力去做好自己嘅嘢，结果就交畀神，就算结果系唔好，我都会接受，因为我 已经尽咗力，唔好嘅结果都系一种体验，最紧要系好好享受自己嘅人生。」 释疑：信徒可以好潮 之前有报道指 Sammi信教後计划将演唱会变成传道晚会，不再有性感劲歌热舞表演， Sammi很想纠正大家对信徒的误解，她说：「其实信徒都可以好潮 o架，主冇话唔畀人食 烟饮酒，冇话唔可以化妆买楼，唔系大家想像中咁老套，只要有信念同埋谂嘢正面，做到 一个好榜样就得。好似食烟咁，主冇话唔畀食 o架，只不过最好唔好做之嘛，我戒烟系因 为身体问题，红酒我都会饮，但唔会过份罗，信教依然可以继续享受生活，冇人知一世人 会活到几多岁，可能我 85岁嘅时候，想食番烟都唔出奇 o架。」 Sammi强调只要与其宗教信仰没抵触，她的工作完全不会受影响，她还笑言：「都唔会有 人搵我拍三级片 o架啦。」她又澄清之前有报道指她曾捐出数千万给教会，她慎重地说： 「真系冇呢件事，希望大家唔好乱写，我系有捐钱畀教会，但只系一份心意，唔系报道讲 嘅咁多钱，我唔想用呢啲嚟造新闻，唔可以乱咁落呢啲 credit，因为关系到教会同神。 」 爱情篇：姊弟恋 8年为限 自从与许志安的故事完结後，近年过着单身生活的郑秀文，最近还一尝独居滋味，问到其 爱情观有否随之改变？ Sammi说：「以前我觉得一拍拖就要结婚，唔结婚拍拖嚟做乜？依 家唔会谂结婚，有拖拍咪拍罗，睇吓神点安排，以前对爱情太过严肃，依家唔会理年纪， 系咪要门当户对，太老套喇。」 「有都唔话你听」 郑秀文言下之意，姊弟恋也不抗拒？她笑说：「唔介意，但最多只可以接受细我 7至 8年 。」可曾遇到过？ Sammi蛊惑地笑：「哈！有都唔话你听喇，容乜易俾人乱写 o架！」 其实靓女又点会冇人追？ Sammi不讳言有追求者，不过约会数次後，感觉不对便转化成朋 友，她说：「人越大就越难搵对象，因为已经有固定嘅性格同特定嘅喜好，自己又有能力 照顾自己，要搵个夹嘅并唔容易，一切随缘啦。」 --

※ 发信站: 批踢踢实业坊(ptt.cc) ◆ From: 203.68.170.1