http://hk.apple.nextmedia.com/entertainment/art/20140209/18619415 任贤齐（小齐）呢几年越做越发，由歌手升呢做娱乐公司老板，但属马嘅佢今年犯太岁， 为自己好，为公司、家人都好，小齐今年都有入乡随俗去摄太岁。前日下昼4点几， 一身黑白造型、戴红帽嘅小齐同助手现身荃湾圆玄学院，小齐似乎相当熟路， 唔使问人就一支射行咗去售卖太岁衣同香烛嘅地方， 买完喺外面上香後随即入去元辰殿拜祭。 「帮个仔拜埋」 出於尊重，小齐入到殿亦「自动波」除低顶帽，先拜斗姥元君，然後再拜今年太岁。 但善信众多，小齐攞住太岁衣喺人群中逼来逼去，有唔少市民认出佢， 小齐一边排队一边逐个打招呼，都几忙吓。几经艰苦小齐终排到太岁像前， 但仍被人前後夹击，好彩佢生得够高大，伸长手绕过一众师奶、伯伯， 拎出太岁衣诚心拜祭。再拜埋自己所属太岁後，小齐就听从指示喺外面化宝， 可谓相当熟手。 之後记者致电问小齐，佢话自己喺台湾已经拜过一次，但嫎家定居香港， 仲系三粒星居民，所以要入乡随俗，佢话：「我今年犯太岁，囝囝属鼠又冲太岁， 帮个仔拜埋，自己唔迷信，但都想求个心安。」佢仲话估唔到前日去都咁多人， 明白粉丝平时追星同人逼系几咁辛苦。 采访、摄影：黄伟雄 -- 世间有 谤我 欺我 辱我 笑我 轻我 贱我 骗我 如何处置？ 只要 忍他 让他 避他 由他 耐他 不要理他 再过几年 你且看他。 --

※ 发信站: 批踢踢实业坊(ptt.cc) ◆ From: 118.170.26.93