星Mobile签名会 英皇群星谢霆锋、容祖儿及３Ｔ的Ｙｕｍｉｋｏ、Ｍａｎｄｙ及Ｍａｇｇｉｅ 齐齐在铜锣湾闹市举行签名会，有数百歌迷围观，挤得水泄不通。在签名会完结後 ，霆锋带领祖儿企上签名台欲向後排的歌迷挥手，岂料签名台负荷不了两人的体重 而烂掉，霆锋失足跌倒在地，穿了一对松糕鞋的祖儿，其助手立即扶她起身。 　　惊魂甫定的祖儿，事後直言自己欠缺危机感，更打趣说：「好彩台底冇人咋， 唔系一定死梗。本来霆锋叫我上去，我仲考虑左一阵，但佢话要照顾下传媒同後排 歌迷，我咪企埋上去咯，点知临尾香，好在我食过夜粥，好快企番起身，今次真系 『英雄被困筲箕湾』，我为艺术而牺牲呀！第一次同霆锋搞签名会就咁亵、咁瘀， 真系难忘回忆。」 对於今次失足踩烂台，霆锋则将责任归咎於祖儿及台脚。他笑道：「祖儿重呀 ！本来我企上去冇事架！点知张台脚一早烂左。（系咪畀张台夹住？）唔系夹住， 系斜左落去。（你眼镜都歪左喎！）冇呀！意外梗有，冇所谓。（觉唔觉得好瘀呀 ？）咁下次咪搞咯！」 此外，提到有指他与张柏芝昨日在大球场举行的「１：９９音乐会」上，两人互相 避来避去，即使相隔只有数步之距，两人亦都即时弹开，又有传两人在後台咬耳仔 。对此，霆锋说：「你地好矛盾，一系话我弹开，一系话我同佢咬耳仔。（咁有冇 咬耳仔？）我唔想答感情问题，全部都系废话。今日我好失望，好唔开心，仲有少 少耸，四万几人筹一千七百几万，但系同哥哥（张国国丧礼）件事一样都系写绯闻 ，知唔知梅姐系开心到喊，唔该香港传媒反省少少得唔得呀！系咪观众读者真系锺 意睇绯闻多过睇善事呢！．．．．．．唔好意思，我唔做（访问）啦！」语毕，怒 容满面的霆锋即时拂袖离场。 -- ▌ ▁▌ ▌▁ ▌|情报员标号: sw74-49-77.adsl.seed.net.tw |局中| ◤ ▌ ▌ ▌▃ ▌|隶属☆单位: 中央情报局 (bbs.e-cia.net) |邑情| ◣