打出一片天　　　　辑录自 香港 东周刊 295期 Book B 【金牌饭局】 27/04/09 http://www.eastweek.com.hk/index.php?link=content_detail&article_id=1513 　　　黄栢高 　　　黄栢高(Paco)，金牌经理人，叱吒乐坛三十年，炮制无数金曲，捧红不少歌手。 　　　近年涉足电影，《行运超人》、《龙咁威》、《杀破狼》等，皆叫好叫座。 　　　最新动作，除於本刊主持《金牌饭局》，每逢周一更在《头条日报》主持 　　　「名人会」专栏，专访城中名人、红星。 打边炉同夹Band其实有个共通点，就系最紧要个汤（班）底正，汤底正的话，可以 为食物增添美味，如果夹Band嘅班底有共同嘅音乐理念，一齐打拼，分分钟可以成为 乐坛经典。即将再次喺香港开演唱会嘅台湾乐队班霸五月天，原来都好锺意打边炉。 今次我就带佢哋嚟到金牌火锅，试吓呢度嘅金牌汤底同牛肉，但系各位读者千祈唔好 误会，金牌火锅同我嘅金牌大风绝对无关系，不过呢度嘅出品，绝对担当得起「金牌」 呢个名！ 饭局金句：Rock & Roll Never Die！ （图一：http://kuso.cc/4EAl） 五月天锺意打边炉，所以我就带佢哋嚟依家最受欢迎嘅金牌火锅！好可惜，主音阿信 因为身体不适，所以错过咗呢个品尝美食嘅机会。（左起：冠佑、玛莎、怪兽、石头） 音乐DNA 来自台湾嘅五月天，其实已经出道十年，乐团成员有鼓手兼队长冠佑、主音阿信、 结他手怪兽、石头，同埋低音结他手玛莎。虽然成员们年纪已过三十，唔算偶像派， 但追随佢哋嘅歌迷有不少都系学生。当你听佢哋嘅歌，睇埋佢哋嘅歌词，你会感受到 佢哋心里面团火有几热，对生命充满热情，难怪喺台湾疯魔唔少年轻男女。 自从06年起，每年嘅5月，五月天都会喺香港开演唱会，而今年嘅5月20至22号，就会 举行<DNA五月天创造演唱会>香港首站，喺红馆开演唱会系歌手嘅梦想，佢哋都唔例外。 冠佑话：「红馆的灯光打下来，男的特别帅，女的特别美！我们希望香港的乐迷看到 我们更帅的一面！哈哈哈！」玛莎补充，佢哋嚟香港开演唱会最开心嘅地方，就系fans 非常high、非常投入，令气氛推至高峰。 五月天向来都好识得搞噱头，好似喺05年，佢哋就喺台湾101大楼嘅91楼观景台举办咗 「史上最接近天空演唱会」，成为一时佳话！而今年嘅演唱会就用DNA做主题，佢哋 又想玩啲咩？ 「每个人都由DNA组成，而歌迷就是五月天的DNA，支持我们有更多的创作。」石头认真 地为我解释，佢仲话每年都好期待返嚟红馆开演唱会，因为就好似搞每年一次嘅歌迷 聚会。 下个十年 （图二：http://kuso.cc/4EAn） 除咗五月天，我仲搵埋TVB8嘅主持陈爽帮我用普通话一齐访问，佢哋话：「我们的 广东话喝完酒就会变得灵光！哈哈哈！」 （图三：http://kuso.cc/4EAo） 石头话已经系第三次嚟红馆开show，佢同怪兽都十分期待，因为佢哋准备咗唔少惊喜 畀fans。 （图四：http://kuso.cc/4EAp） 玛莎话佢爸爸起初唔系太清楚佢喺队band入面负责啲咩，「因为他听不到我低音结他的 声音啊！」所以玛莎最後就带爸爸去现场感受live band嘅气氛！ 今晚嘅饭局少咗主音阿信，因为阿信身体抱恙未能出席，玛莎说，「今晚阿信不能来， 真是他的损失，因为这里的食物很好吃啊！」呢间金牌火锅系我近期打边炉首选，因为 食物的确好新鲜，亦好潮，好似牛舌心、猪肚尖咁刁钻嘅食材，都可以食到。怪兽就 对个竹筒虾滑赞口不绝，「很鲜味、很爽口，真的很好吃！」 喺我音乐事业嘅生涯，曾经做过全港最受欢迎嘅Beyond，依家就做梗最有潜质嘅Rubber Band，我对band sound嘅着迷系绝对嘅。搵到一个好班底，就等於搵到一班好兄弟， 可以同甘共苦。 五月天呢班兄弟由当初喺街头卖唱，到依家去世界各地巡回演出，石头话：「我们就是 手握着手，互相帮忙，熬出头来。」五月天当然希望未来有无限个十年延续落去， 「现在，我们会视为更新的开始，我们期望将自己的力量发挥到最大，创作更多音乐。 冠佑话除咗大型演唱会，佢哋都好重视校园show，因为可以拉近同观众嘅距离。校园 show场地虽然细，但系气氛同感染力可以好强。我觉得香港歌手都可以借镜，做多啲 校园show，令更多年轻人认识你嘅歌，同时储吓人气。 「我们对学生歌迷亦特别照顾，例如台湾学生只要买我们的专辑，就可以免费入场睇 校园show。」玛莎补充说。就算有人认为咁做会令观众唔再买飞睇show，但五月天一於 我行我素。 活於青春期的男人 （图五：http://kuso.cc/4EAq） 冠佑同陈爽都大赞金牌火锅嘅食物一流，最近喺《掌故王》做主持嘅陈爽话佢第一次 食到咁香脆嘅炸腐皮卷，个汤底又够浓，简直食唔停口！ （图六：http://kuso.cc/4EAs） 怪兽有个别号叫做Drinking Monster，玛莎就即场同佢以威士忌比拚一番。 （图七：http://kuso.cc/4EAt） 五月天嘅演唱会由原本5月20、21号两场，加开到5月22号三场，大家都拍手叫好。 我哋仲当今晚嘅饭局系提前庆功！ 乐队、乐与怒，同结婚生仔，好似系两码子嘅事，不过五月天嘅石头同冠佑就话虽然 佢哋两位已经结婚生仔，但其实佢哋仍然处於青春期，而队友嘅小朋友出世，唔单止 无阻碍五月天嘅发展，反而为佢哋增添活力。 已有一个囝囝嘅石头食完一件炸腐皮卷之後就话，「我觉得自己很幸运，我的家庭 很支持我的工作，他们不单没有阻碍我的音乐发展，反而令我的生活更加精采。」 怪兽就话，其实自从小朋友出世，可以为佢哋呢班大男人纾解压力，「小孩来studio玩 的时候，总是为我们带来欢乐，甚麽烦恼都忘记了。」佢哋都话以前夹完band就会去 饮酒，「大家都说我是drinking monster，其实冠佑才是drinking master」怪兽说。 冠佑系五子之中最好酒量嘅一位，年轻时最锺意饮酒，「中学年代，会跟朋友玩得很疯 ，由早上喝酒到中午，之後就睡觉，哈哈哈！」但婚后冠佑饮酒只会适可而止。「不过 ，今晚例外，哈哈哈！」我为五月天乾！ 今晚，我哋嚟到一间金牌级火锅店，叫咗一个足料够味嘅牛骨煲汤底，我睇见个牛骨 煲汤底愈滚愈够味，就好似一队乐队必须要长时间磨练，玩嘅音乐先有feel。 五月天嘅成功亦证明一样嘢，就系一个好班底只要有实力、有梦想就可以成功。 我寄望香港嘅乐队，都要坚持自己嘅理想，打出一片天！ 金牌火锅 地址：佐敦白加士街10-24号永富大厦1楼 电话：2730 7799 --

※ 发信站: 批踢踢实业坊(ptt.cc) ◆ From: 211.74.99.81