(我个用字，佮教育部推荐个卡无仝款，偏向民间传统歌仔册用字) 会记得差不多十二年前， 许当阵个教育部长-杜正胜先生， 讲卜推讲台语文， 讲卜予国中生着开始会晓输入台文。 我自诚早以前， 伫只个议题顶，我着想无啊， 既然讲，卜予囡仔会晓拍台语、客语， 哪会伫义务教育内中， 无爱推动像呒虾米，抑是仓颉只款个输入法咧？ 香港人绝大多数伫平素时呼， 拢是写口语， 因嘛是以拆字形输入法为主，速成输入法，是上盖济人用个， 台湾个囡仔， 着是自细汉拢无注重兹， 乎因拢用北京话个ㄅㄆㄇ拍字， 造成仝音字无选个问题严重、佮注音火星文， 写台语汉字个时阵，嘛无法度以台语个字音来思考， 头壳内底，汉字佮北京话绑死死， 兹对学母语、抑是学日文，拢有真大个限制。 目今网路上， 卡多产个台文作家，若毋是拍仓颉个，无，着是呒虾米， 卜讲用北京话ㄅㄆㄇ拍台文个，抑是用台罗、教罗输入法拍个， 拢占少数个比例， 事实上「台罗汉字输入法」只款个，卜哪有通予像呒虾米、仓颉只款遐方便？ 咱写台文，有当时仔，嘛会加北京话专有名词来写， 嘛会写汉个， 只款个罗马字输入法，根本着无法度满足咱个需求。 若是伫十几年前，成功推动「拆字输入法」伫教育中， 母语文个推动，可能会是完全无仝款个局面， 真可惜，一切拢『回不去了』。 --

※ 发信站: 批踢踢实业坊(ptt.cc), 来自: 36.234.155.192 ※ 文章网址: https://webptt.com/cn.aspx?n=bbs/Liu/M.1457950114.A.A07.html