郭晋安赞冇架子：哥哥同我跳舞 郭晋安甫出道便被指貌似张国荣（哥哥），更被喻为哥哥接班人，曾有唱片公司为他推出 唱片并展开歌唱事业。他忆述当年得哥哥亲临录影厂鼓励，令他毕生难忘！ 我喺95年获唱片公司垂青，推出首张亦系唯一一张专辑《一分一刻一点也愿意》，当时我 前途好浮沉，希望出唱片可以帮到我，想制造话题提高知名度。 当年好多人话我似张国荣（哥哥），更有人话我系佢接班人，我当然冇所谓啦，但最怕系 哥哥会介意，原来佢好照顾新人。有次我喺厂度拍剧，哥哥当时已经好红，佢喺隔篱厂做 嘢仲过嚟我个厂，问导演需唔需要替身，佢份人真系好好，好有阳光活力。 有次喺台庆，哥哥拉咗我出去同佢一齐跳舞唱歌，佢同我讲做新人咩都要试，有机会就要 把握。我有听佢讲，可能佢都捱过，见到仲捱紧嘅艺人会作出鼓励。 最令我印象深刻嘅系哥哥打算封咪嗰一年，我同佢又喺无綫录影厂遇到，佢主动问我有冇 兴趣睇佢演唱会，我当然答有啦，只系担心买唔到飞啫！结果佢即刻叫助手拎四张飞畀我 ，仲问我咁会唔会去睇，我话梗系会啦！我当时好感动，冇谂到一个天王巨星咁好人，咁 冇架子。 唱唔起 会唔会打算再出唱片？唔得啦，咪当系当年付出过嘅回忆算喇！有朝一日我退休，起码唔 会有一样嘢未试过。唱歌我玩唔起，其实我近年都有同容祖儿合唱电视剧嘅主题曲，又担 任佢演唱会嘅嘉宾。我仲帮李克勤做咗十场嘉宾，我喺红馆唱一首歌都咁大压力，成个人 攰到散晒，所以做歌手真系唔易o架！（明日待续） 口述：郭晋安　笔录：影视组 http://the-sun.on.cc/cnt/entertainment/20120607/photo/0607-00470-030b2.jpg 郭晋安（右）难忘哥哥张国荣的循循教导及提携 http://the-sun.on.cc/cnt/entertainment/20120607/00470_030.html --

※ 发信站: 批踢踢实业坊(ptt.cc) ◆ From: 220.132.56.42