闭上眼睛，让时光倒流... -- ＊＊唔争做环球一哥 哥哥阿伦只打友谊波＊＊ 07/04/1999 　 张国荣昨日正式动笔签约环球唱片，哥哥入环球，难免令人揣测他与谭咏麟会争做环 球一哥，但哥哥却笑言不会与阿伦分大细，并强调两人有交情，还经常打友谊波，谈及与 阿伦合唱时，哥哥却表示交由唱片公司安排。 张国荣《1999 Hot Summer 环球唱片再会旧友》记者会，吸引了各地近百记者采访， 环球为隆重其事，专诚为哥哥设计了崭新的电脑签约仪式，更破天荒采用全球网上直播系 统，务求令世界各地的「哥哥迷」，均可见证这历史时刻。 除网上直播系统外，大会更请来吕方与李克勤当司仪，及特意复制了九十九张合约（ 哥哥所签的迷你版），送给现场记者，难怪短短两小时的签约仪式，已花去六位数字的开 支，气势不同凡响。 昨日心情极靓的张国荣，对於记者提问更无所不答，更首次大谈与谭校长、陈小宝之 间的交情。不过可能太兴奋的关系，哥哥竟将「签约环球唱片」错讲为「签约娱乐唱片」 ，又将「与Alan久唔久都有打网球」讲为「打羽毛球」，引得司仪与在场记者亦不禁大笑 。 问到哥哥外传五千万过档是否属实时，他即巧妙地回答谓:「唔好成日问我值几多钱咁 俗气啦！钱对我嘅刺激唔系咁大，不过以前果旧石（意指滚石）都出得起钱，依家成个环 球喎，梗系唔会少啦！」 *新碟九月推出* 谈及与谭咏麟合唱，哥哥即搞笑谓：「我谂合唔合唱都要讲交情嘅，我同阿伦呢几年 都有打o下网球，依家同公司，合唱就绝对有可能！谂谂o下话约四大天王食饭，讲咗咁耐 都未食，我怀疑佢人面唔够广，人地夹埋唔『骚』佢！（咁你觉唔觉自己会系环球一哥？ ）一哥呢啲野，我一直都唔锺意分，就算公司斟水个阿姐，我都乐意同佢做好朋友！」 -------------------------------------------------------------------------------- ＊＊哥哥加盟环球不在乎一哥名分＊＊ 太阳报 (07/04/1999) 昨日是巨星张国荣加盟环球的大日子，唱片公司花六位数字假会展新翼举行盛大记者 会，签约仪式在互联网上直播，会场设有四人管弦乐队现场拉奏哥哥首本名曲，还请来吕 方和李克勤做司仪，无线、港台、商台和新城四大传媒高层俾面到贺，近百东南亚传媒出 席采访。环球歌手均送花篮致贺，而谭咏麟所送花篮写上「勇闯高峰」贺词。 哥哥神采飞扬宣布，他的制作公司Apex於个多月前正式成立，以後他的唱片都是自己 公司制作，交给环球发行，签约两年，一年出一张唱片。 记：传闻你三千万签环球喎？ 张：唔好成日讲钱，咁俗！（环球高层陈小宝插嘴说：「今时今日俾到钱签张国荣公司好 多，但我有诚意。」） 张：（开玩笑）即系话我平，其实上一间公司（滚石）都好好，但音乐过几年要有新刺激 ，既然一旧石（滚石）都俾到钱，唔通环球俾唔到咩，唔可以话俾唔到钱我咁Cheap。 记：当年你同阿伦系死对头，但今日同一公司，有乜感觉？ *互相尊重* 张：呢只系歌迷同歌迷之间问题，依家Fans都结晒婚啦，唔会好似以前咁。我同阿伦私下 系朋友，虽然唔系黐头芒，但大家都尊重大家，倾到偈，呢两年都有打网球，所以交 情几好，但大家蒲点唔同，有地方唔会一齐去。 记：所谓一山不能藏二虎，边个做一哥？ 张：我从来唔分呢，入得呢间公司，送信个都会对佢好，冇话边个Head我或我Head边个， 就算斟茶递水阿婶都可以做朋友，咁大间公司，梗有好多出色艺人。 记：咁你系咪会同谭咏麟合唱呢？ 张：同一间公司，可能性系会有，同一个人合唱一定要有交情，我同阿伦有交情，所以唔 排除合唱，但未系计画中，最紧要系有大家Style。 相关图片： http://lesliecheung.cc/News/1999/July-Sept/4.7.99/4.7.99.jpg http://lesliecheung.cc/photoshop/pressconf/umg/01.jpg http://lesliecheung.cc/photoshop/pressconf/umg/02.jpg http://lesliecheung.cc/photoshop/pressconf/umg/03.jpg http://lesliecheung.cc/photoshop/pressconf/umg/04.jpg http://lesliecheung.cc/photoshop/pressconf/umg/05.jpg http://lesliecheung.cc/photoshop/pressconf/umg/06.jpg --

※ 发信站: 批踢踢实业坊(ptt.cc) ◆ From: 210.85.7.156 ※ 编辑: Lesliey 来自: 210.85.7.156 (07/04 06:47)