闭上眼睛，让时光倒流... -- ＊＊张国荣问：八十年代张国荣最似＊＊ 　 明报 (07/04/1994) 走入东方录音室，便见到张国荣、高志森坐系张收音台前，二人有讲有笑。见到我入 来，高志森指住一张凳『冰姐，你坐果度。』 张国荣说：『都好，佢做我契妈。』我一屁 股坐系张凳处，高志森见我那样老实不客气，就问：『你真系想出镜呀？』 我这才看到， 他们前面摆着一部摄影机，由编剧晋身导演行列的马伟豪正在拍戏，难怪Leslie话可以坐 果度做佢契妈。 这一日，拍的是《香蕉成熟时续集》，张国荣和高志森是来客串的。 *无奈何自动请缨* 我问张国荣：『你都会来客串嘅？自动请缨呀？』 『我点会自动请缨呀？』张国荣毫 无热情的说，与平时见到我，热情得很的样子大异其趣。 『你咁大个天王巨星，边个咁好 胆叫你来客串呀？ 『我系呢部戏中饰八十年代的张国荣。饰张国荣有边个似得过我呀。』 Leslie说：『咁我咪来客串一日罗。』 拍完一个镜头，Leslie退出来休息，有一堆人围上 来，全部系这组戏的工作人员，男男女女，老老嫩嫩，每一个人都要与Lesllie合拍照片， 照完又照，照完又照，简直没完没了。 *时光倒流九年半* 我见张国荣很忙碌於与人合照，不是可以倾谈的，就退出来去找高志森：『肥仔森， 点解UFO呢部戏会叫着你同张国荣客串嘅？』 肥仔森话：『Leslie但做番但自己，我做番 我自己。九年半前，就系系呢间东方录音室，我就系坐番依加呢个位，张国荣坐佢依加坐 紧呢个位，呢个叫小兰嘅配音员亦系坐依加佢坐呢个位，当时我地配紧《圣诞快乐》，今 日就系重复九年半前嘅情景。』 『小兰配边个？』 『李丽珍』 *老豆系有地位的* 原来《香蕉成熟时续集》中，男主角的父亲曾志伟是一个配音领班，小男星是张国荣 迷，这一日跟了父亲来看配音，当然也是为一睹张国荣的明星风釆而来。 有一个镜头从张 国荣的身後，拍张国荣把曾志伟的一支墨水笔放入裤袋，我企系度观赏，有D唔明，趁末开 机，走埋去问：『Leslie，点解要特写你袋了曾志伟支笔？』 Leslie话：『支笔系男主角 送俾爹地，我借用了之後唔觉意将它袋落袋，男主角望见整个过程拍男主角觉得自己个老 豆在工作上好无地位。』『哦！咁嘛。』 『不过，志伟系有地位嘅，後尾一场拍但卧病在床，我去探佢。男主角发觉老豆系有 地位的。』Leslie话。 *两靓仔从未碰头* 既然记得《圣诞快乐》拍於九年半前－－高志森当然也记得Leslie果时刚刚红。『梗 系记得啦，戏内有陈百强添。』高志森话。『听讲那时两个靓仔歌星唔多啱key，拍戏有有 闹不快呀？』『我讲你知嘛，但地两个从未碰过头。『有对手戏？』『有，不过，我经常 跳拍，明明要做对手，我就分前後一两日来拍，拍张国荣正面时，搵第个替陈百强背影， 拍陈百强时，张国荣背影亦搵人替，总之，从来无安排佢地同场拍。』『你那时得二十六 岁，已经咁醒目。』我打趣：『唔怪得呢十年你发成咁啦。』，这一日高志森常常指点这 ，指点那的，Leslie提醒佢『喂！你今日做演员，唔系导演呀。』 *李志毅系清道夫* 《香蕉成熟时续集》系李志毅监制。『阿志，又系你监制呀，UFO部部都你监制嘅？』 『唔系，我监制两部之嘛，张之亮的《等着你回来》同呢部《香蕉成熟时续集》之嘛』 曾 志伟话：『你唔知咩，李志毅系我地UFO嘅清道夫』『你地UFO好多垃圾呀？』 志伟话：『 哦！你唔睇波，唔知乜野叫清道夫，即系把守最後防线嘅球员。 』『你呢，志伟，你系 UFO乜野呀？ 『我系军医，有伤残就我出面搞掂，张之亮，陈可辛就系前边冲锋。』 这 时瘦瘦小小的女制片走入来，志伟话：『呢个咁奀瘦嘅制片，派去埃塞俄比亚就啱。』真 系一个最多口同刻薄嘅老板。 我问高志森：『曾志伟做的配音领班，当日系边个做呀？』 『丁羽。』高志森话：『 当日重闹了个笑话，配完呢场我问跟住第几场？丁羽话，第四场未跑，我讲配音，佢讲跑 马，真搞笑。』 -- 林冰 --

※ 发信站: 批踢踢实业坊(ptt.cc) ◆ From: 210.85.7.156