【黄玉郎撑网络23条】称降龙十八腿已伸版权？市民：你问少林寺攞呀？ 由16个业内团体组成的香港版权大联盟今日「晒冷」，喺中环一大厦举行记者会，推销 《2014年版权（修订）条例草案》，出席代表包括香港国际影视协会常务董事何伟雄、 国际唱片业协会（香港会）总裁冯添枝，就连香港动漫联会会长黄玉郎及漫画家刘云杰 亦有到场。 黄玉郎有冇二次创作触犯网络23条？今日fb疯传一张图，见黄玉郎嘅《王小龙传》个 cover，同Tony Jaa嘅《冬荫功》海报一模一样……此事数年前已於各大动漫论坛有人 讲紧，而且例子不胜枚举…… 今午，记者会都未举行，已经宣布流会。系，系流会。事缘有自称热血时报的记者希望 入内，但遭大联盟拒绝。数十名热血时报成员到场要求解释，并称《热血时报》已作报 刊登记之纸媒，仍然被拒诸门外。主办单位报警，扰攘多时之後，大堂竟然熄灯！ 黄玉郎今日有到场，表明支持条例。反对「网络23条」嘅「四眼哥哥」郑锦满於会场外 向黄玉郎质询，对话如下: 四:郑锦满 黄:黄玉郎 四:你自己都做二次创作，但你就支持网络23条 黄:(双手抱胸)呢个绝对唔系网络23条，你哋绝对唔好将一个天使，俾咗一个巫婆嘅帽 佢戴。 四:依家政府就系用网络23条打压言论自由 黄:(叹了一口气)绝对唔系 四:网络23条好容明经刑事去索偿，最严重嘅问题系随时都可以刑事化呀嘛 黄:(侧身不看对方)我哋话金庸先生嘅作品呢，我哋系俾被版权费嘅，我哋系有授权。 四:咁你其他漫画里面二次创作其他图片呢？你点样解释？ 黄:呢个绝对唔系二次创作，呢个完全系一次创作 (有人插嘴): 降龙十八腿(《龙虎门》)都系(一次创作)？ 黄:(不答，笑，拧转面) (有人大嗌:「黄生你好嘢!」众人拍掌，黄玉郎自拍都拍埋一份) (此时大会宣布记招取消，黄玉郎扬了扬眉) 黄:俾我讲一句，依家网络上嘅盗版呢，其实一路杀死紧我哋漫画界0架喇! 四:依家唔系讲紧盗版呀! 黄:依家直情系讲盗版! 四:依家系讲紧二次创作呀!打压言论自由呀! 黄:嗱，第一，绝对冇打压言论自由 四:网上嘅盗版问题，已经有相关嘅条例执行紧 黄:你唔系商业化唔侵权嘅，有乜嘢所谓啫？(指通过网络23条) 四:你自己啲作品侵权，你点解？ 黄:我冇侵权呀，你有乜嘢证据话我侵权先？ 四:我开图俾你睇!你都系一个创作人嚟0架 (在场人士指斥主办大单赶人走，痛斥「有冇良知0架你？」黄玉郎一点无奈) 黄:我绝对支持版权，你哋有乜嘢意见可以随便发挥，但我立场已经好清楚喇，我非常 　 支持呢个修订版权。 四:即系你公司以後唔会有二次创作？ 黄:(拍拍他)得，你慢慢讲啦 (有人问黄玉郎:「招式会唔会改晒名？」) 黄:我有攞版权咪系创作罗 (有人再问:降龙十八腿使唔使改名呀？) 黄:唔需要，我有攞版权0架嘛(转身想走) 四:同边个攞版权呀？同少林寺呀？金钟罩又问边个攞版权呀？ 黄:(走向另一边，向现场人士问)你即系有睇开漫画0架啦？冇你就行开啦，冇就冇权发 言啦。你哋有支持我嘅漫画，我好多谢你哋，但系今次我系绝对支持呢个好正确嘅 修订法案。我都希望大家用正面态度睇呢个法案修订，多谢你哋。 http://hk.apple.nextmedia.com/enews/realtime/20151213/54532576 我觉得老黄有黑历史就低调一点比较好 这分明是逼老读者把如来神掌拿出来嘛....... 难不成老黄真的有跟金庸买版权？ --

※ 发信站: 批踢踢实业坊(ptt.cc), 来自: 49.216.89.125 ※ 文章网址: https://webptt.com/cn.aspx?n=bbs/KingdomHuang/M.1449998409.A.03D.html