跨足饮食版了, 对要吃又要靓的Kit有多诱惑呢? 让我们继续看下去: http://www.eastweek.com.hk/index.php?aid=17693 (未俾钱, 店家菜色自动神隐) 龙年伊始，「Paco巨星饭堂」请嚟两位重份量嘉宾：赵增熹、陈洁仪（Kit），一位系音 乐才子，一位则系新加坡国宝级女歌手，为你哋提供龙年音乐上嘅高格调享受！事关阿熹 同阿Kit将会喺2月11、12号，举行一连两晚嘅《陈洁仪×赵增熹倾城音乐会》，两大高手 合作，系乐迷嘅最大收获！ 多方位重绎 阿熹同阿Kit嘅演唱会将於会展举行，佢哋啱啱拟定咗初步嘅rundown，仲开始一齐坐喺钢 琴前夹吓唱每首歌嘅感觉，要以最靓姿态示人，为歌曲作重新编排。讲到演唱会名「倾城 」，阿熹就话：「今次我哋想简单直接啲，我谂过用『深动』，咁就完全解释晒我哋想做 嘅嘢，就系一次好深刻、好感动人心嘅音乐会。 「不过，当我去咗新加坡睇阿Kit嘅演唱会之後，就有咗一啲新嘅idea，想转用『倾城』 嘞，而因为阿Kit亦都好锺意，所以就拣咗呢个名。用呢名，perspective可能同之前有少 少唔同，但系都有最初讲嗰种『深动』嘅感觉，系冇讲到咁白啫。」 两位主角异口同声话音乐会将纯以音乐出发，亦有管弦乐团伴奏，阿熹就会专注於音乐部 分，阿Kit就拣选佢最爱同唱得最有feel嘅歌。旧年阿Kit自资出碟，而阿熹亦有友情为老 友制作其中几首歌曲，亦间接促成今次嘅高手过招，「阿熹帮我只碟嘅一啲歌重新编曲之 外，其实旧年我同几位歌手一齐喺阿熹嘅《分子音乐盛宴》唱歌，佢话听我唱两三首歌唔 够喉，仲话就系因为上次唔够喉，所以今次要延续上次嗰种high嘅感觉。哈哈！」 赴法国筹备 我一直都好欣赏两位音乐人，而我同阿Kit亦曾经系战友，对於佢嘅靓声，我亦相当熟识 ，而阿Kit亦率先透露音乐会嘅「陈洁仪的名单」：「好多歌我都好想趁今次嘅机会，现 场演绎一次，其中我嘅歌就一定唔少得嘅好似〈心痛〉、〈伤了和气〉、〈担心〉、〈等 了又等〉咁，都会用阿熹全新编排嘅版本唱。另外，仲有我喺《重译》只碟入面唱过嘅〈 今生今世〉，同埋我哋为今次音乐会而创作嘅〈倾城〉，一讲起我已经好excited！」 哈哈哈！我都听得好兴奋，其实我最欣赏两位对音乐嘅热诚，阿Kit嘅《重译》大碟，仲 有佢之前喺新加坡举行嘅演唱会，都系由佢自资出品，而今次嘅音乐会，阿Kit同阿熹都 有自掏腰包，成就自己嘅音乐梦，少啲热诚都难以成事。 依家音乐会举行在即，佢哋都密锣紧鼓积极筹备，务求以最佳状态示人。阿熹话：「新年 前，我同音乐会嘅赞助商去咗法国，主要系拍短片喺音乐会播，咁我都会顺便叉一叉电， 为嚟紧2月嘅彩排做最佳准备。」 捞起贺新年 至於阿Kit就为咗保养靓声，佢唔敢刺激声带，已经开始戒食最锺意嘅辣食，不过，时值 农历新年，佢话：「我都会偷偷哋食我最爱嘅年糕，食少少适可而止，我谂都OK嘅。新加 坡嘅新年，其实同香港一样，嗰度多中国人，都系一样庆祝农历新年，唔同嘅就系，我哋 过年会食鱼生捞起，即系将一啲生鱼片，捞埋生菜丝、西芹丝、红萝卜丝同酸梅膏加桔子 汁，咁个捞鱼生除咗有白色同黄色之外，仲有红色、绿色同金黄色，好七彩缤纷，又够晒 喜气洋洋。 「食呢个菜嘅时候，仲要所有人一齐用筷子夹起，捞匀全部材料，仲要一边捞一边话『捞 起捞起』，或者系一啲吉利嘅说话，最好系尽量夹得高啲，先有捞起嘅意思。」 哈哈哈！咁我都预祝阿Kit同阿熹嘅音乐会，愈捞愈起！乾！ 阿熹接住补充：「今次要好好咁将阿Kit拣嘅歌，现场演绎一次，好似上次《分子》一样 ，唔会有其他花巧嘢，只要perform到嗰种境界，观众应会接受嘅。我唔贪心，唔会要求 全部香港人都锺意一个咁嘅形式嘅演唱会，只要有一班人锺意，我就已经好满足。」 --

※ 发信站: 批踢踢实业坊(ptt.cc) ◆ From: 61.64.106.22