http://hk.lifestyle.yahoo.com/leisure/culture/article.html?id=art_4e87d0f5 WYMAN 黄伟文红馆演词 《JET十月号》访问内容节录 (有提到祖儿^^) 地球，你没有好结果？ 但〈末日〉填词人修成正果，明年二月，出道十七年举行词展——红馆个唱！ 他说如无意外，将只说不唱。即是，何家伉俪演唱时，他负责演词？ —— 「末日演唱会」？ 系演唱会，但唔关末日事。（怎看末日论？）出年book实边一日末日未？坊间都传咗 几个末日期。我冇末日心态的。因为唔末日都可以死的嘛，听日都可以，阵间都可以。而 末日同死都系冇分别的，你个故事都系完，都系黑晒架啦。（不信明年末日？）冇谂呀。 你哋（大家）锺意讲，就讲啦。唔会为呢一日而做啲咩罗！ 其实末日呢啲book场事件……都末日咗好多次啦，上世纪尾已开始有。我哋由细到大 都听住呢啲末日长大，反而，冇，可能会唔惯。可能有「的咁多」呢啲末日心态，大家做 人会俾心机啲罗，但我真系唔会当系末日罗！ 反而，近年比较conscience年纪比较大，开始conscience死呀、健康呀呢啲问题，虽 然如果一定要注定有一个完嘅方法呢，比较大的存在，系突如其来的，死亡。 老，谂得过架喇！身体上会提你，我都做咗「的咁多」资料搜集，譬如最近发现有眼 蒙，就开始惊老花──老花如果个名唔系叫老花的话，我会OK。我真系搵医生去睇。原来 瞳孔附近嘅肌肉，过咗四十就会不规则地收缩，会扯到你个眼角膜变咗炒鱿鱼，咁就会睇 嘢好蒙，老定啲呢，收缩收定啲呢，果个就先至系你真正的度数嚟。系有好多嘢，提你要 提早为老做准备……（好像比较关心人体功能上的衰退。）由呢样嘢开始，咁你就会计晒 ，用而家我呢对眼的状态，有冇咩嘢系我好想亲眼睇到的呢？咁就要睇咗先啦。 其实我系乜嘢都做最坏打算的人，预咗之後，先喺果个最坏打算底下，当我知道最坏 有几坏的话，我就可以make fun of it。 演词一：今天的事今天做 末日，其实捻到个演唱会。有好多「今天的事今天做」的梦魇，令到好多被催生了。 本来，唔系我想做一个演唱会，而系我身边的人，好想我做一个演唱会，系佢哋想睇 。我呢一世唔做，冇呢个演唱会，我都OK的，即系冇呢个演唱会我都会死得眼闭。 其实得两个选择，一系就退咗休後，做一个「煇黄演唱会」式的，另一个就系而家做 。第一，「煇黄」已好多人做过，喺佢嘅年纪大的时候，一定会少咗啲人。第二，呢个原 因系最重要的，如果我三十年後才做这个演唱会，果啲人又老晒啦，又退晒休啦，又肥晒 啦，又唔知要喺边度搵返，可能把声又烂晒啦──呢个考量，系我身边的人讲的，如果你 要做一个演唱会，你就要而家做，趁所有人都是最红、最靓、唱得最好的时候做。 同埋而家做，我会碌到堆卡罗！如果三十年後做，我未必碌到，或者要去到天脚底， 都未必搵到果个人被我碌！ —— 歌手名单方面…… 有啲系胆。譬如阿诗（何韵诗）、祖儿（容祖儿）、Fiona（薛凯琪）、明哥（黄耀 明）呀，果啲应该晚晚会嚟。得到我最多歌的人，其实都知系边一个男歌手、边一个女歌 手……所以，最技巧的讲法系，所有锡我的人都会嚟！（化妆师：李蕙敏？）呢个唔会走 得甩啦！ 每晚都会有「福袋」，Candy（卢巧音）、Kelly（陈慧琳）、李克勤、Shine、王菀 之……数落都有几大串名单。每晚有所谓「定食」啦，另外再有special，我要去扑这十 五只special。 点解要请咁多人，系想尽量原唱。有时作品展，系有「口水歌」，我想尽量唔会，如 果个歌手嚟唔到的话，就会唔唱果只歌。其实想好多自己锺意的歌，或者大家觉得重要的 歌，都有。 —— 「垃圾」、「病态爱情」、「小姐」、「男人」、「五行」等系列会出现？ 我而家最努力奔跑，同「频扑」的一件事就系，我希望每晚都有「垃圾」（五部曲） ，虽然第六集未做。「男人五部曲」陈奕迅演唱会做既，我唔想再做。另外的「小姐系列 」呢，你都好难搵返……你知唔知边个张铠潼？（彭海桐？）张铠潼，系一个唔再搵得返 的人。官恩娜如果嚟，「海陆空」已经有喇。（「新广东歌运动实验」同国语作？）我都 有好严重咁觉得，要唔要叫XXX（某台湾歌手）嚟一嚟……死啦！如果我讲晒，就会冇晒 惊喜！「广东话」都唔系好多，大家认识的又好少。不过，如果李彩华唔介意嚟唱一只歌 的话，咁佢都可以嚟帮吓，因为我会好想听到〈你唔爱我啦〉......全文请参阅《JET》 10月号 -- Wyman真的是位很棒的词人 这场秀相当让人期待呀 他也写了很多好词给祖儿^^ 还有很多优秀的艺人 如果他们也都到场表演一定超精彩 -- ▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉容 视听剧场→Idols_2HKCNΣ中港人气大会堂→HK_GirlsΣ香港女孩特区→JoeyYung 祖 ▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉儿 --

※ 发信站: 批踢踢实业坊(ptt.cc) ◆ From: 123.194.131.176