内容陆续编辑中:> 我把电台的访问内容key出来 大家可以看看 如果有打错或是未听出(以＊号表示)的地方还请多指教 查..查..查..笃笃笃..巴闭~ 边个够我..查 笃撑~~ (节目slogan 这也要写?) XD 小欣来喇来喇~ 查小欣小姐 小欣姐：由今日开始讲年份要改改口喇，系2011年，今日系1月3号星期一， 查笃撑喺度先祝大家新年进步，咁记住喎，要继续Keep住香港实务求生求进步嘅精神。 今日查笃撑嘅嘉宾朋友系好值得大家学学佢哋架，因为喺1月1号元旦日，佢哋喺商台 叱吒乐坛颁奖果度攞到奖喇。讲番啲历史先吓：第一届嘅叱吒就喺1989年1月16号举行， 来到今年,都系拣咗专业推介，以播放率计算，加埋乐迷嘅投票，先至会颁发奖项。 咁大家都知喇，2010年TVB同四大唱片因为版税嘅问题，大家僵持不下，造成一个连锁 嘅效应，就系劲歌金曲颁奖礼冇四大唱片公司嘅歌手，亦都有唱片公司系杯葛港台嘅颁 奖礼。由於各有利益坚持，结果就造成乐坛重创。但系叱吒咁多年，都系守住原本嘅精 神，所以歌手得奖比起过往，更加觉得系一张实至名归嘅成绩表。 咁星期六晚，我喺现场度睇足成晚，喺＊＊＊＊嘅时候，我当然发挥查笃撑精神，即刻 请得奖歌手倾解，为你哋捕捉佢哋最开心嘅时刻。 今日系新嘅一年，查笃称为你准备一个专辑，所以你一路听开嘅巴闭一击同埋酷辣辣 今日就休息一日啫，我哋先听吓九大报章嘅娱头，之後就开始叱吒得奖歌手嘅真心感言。 九大报章今日娱乐头条 时间 今日嘅娱头总冠军颁给非常乐搞嘅叱吒颁奖礼 苹果日报、明报、东方日报、太阳报、新报、大公报、星岛日报- 陈奕迅容祖儿日前喺叱吒颁奖礼上齐齐成为大赢家。横扫五大奖项嘅Eason对於续约一事 ，继续同记者游花园。至於女新人JW未能得奖，有传a-music嘅老板黎明唔多开心。不过 一回归华星就即刻夺女歌手奖杨千嬅就暗示喺a-music嘅三四年都未攞过叱吒女歌手奖， 今次＊＊上台只系老公带旺佢。查笃撑送「有人欢喜有人愁」特大娱头。 小欣姐：叱吒今年嘅主题，系「乐搞」乐坛，乐其实系音乐嘅乐。 我哋亦都将焦点放喺旧年嘅乐坛，俾心机做好音乐，得到传媒同埋乐迷支持嘅歌手、乐队 ，同幕後精英，首先我哋重温吓叱吒颁奖礼嘅得奬名单 <<待续>> -- 愿那一刻共聚 懂得怎去相爱 爱人难 我肯学 定能爱下去 --

※ 发信站: 批踢踢实业坊(ptt.cc) ◆ From: 123.194.136.38 ※ 编辑: clearclear 来自: 123.194.136.38 (01/08 11:36)