乐坛天后容祖儿出道逾10年，见证了2000年後乐坛的变化。对於近年不少新生代歌手乘势 弹出，她认为是好现象，绝不担心受冲击被Out出局，反正遇强愈强、愈唱愈强，誓做舞 台天之骄女 记：记者　容：容祖儿 记：近年乐坛多咗林欣彤（Mag）同邓紫棋呢类「巨肺女声」，你点睇呢个现象？ 容：系好现象，乐坛需要冲击同新鲜感，我好耐冇咁留意一个新人（指Mag）。其实若果 得一个新人，有时未必咁好，要有两个比较吓，咁样会多啲话题，Mag系「零污染」女仔 ，佢由读书跳到唔同工作新环境，希望佢发展顺利，保持真我。 记：担唔担心受威胁？ 容：完全冇思量过，始终容祖儿畀人感觉完全唔同，况且好难用一个有十年经验，同一个 啱啱出道嘅新人比较，咁样对双方好唔公平，唔好成日谂系咪受到威胁，总之有新冲击有 新想法系好事。正如当年有人话我唱《逃避你》把声有啲似彭羚，可以用「惊艳」形容， 其实彭羚把声清好多，如果咁样比较，我怕彭羚唔开心呢！ 记：乐坛系汰弱留强嘅地方？ 容：冇谂过被淘汰，最紧要系留啲乜嘢痕迹喺呢个地方，将来好多年後，有人讲祖儿做过 啲乜嘢或者唱过乜嘢歌，我已经觉得足够，起码对自己有交代。 谈祖业 做到最好 记：依家仲有冇定期学唱歌？ 容：梗系有，不进则退嘛，依家唱腔同出道时好唔同，听番《逃避你》，嗰时把声沙啲沉 啲冇乜技巧，但胜在感情真挚。之前把声试过出事都几困扰，所以搵专人教护声唱法，要 用多啲丹田，将声带训练到似肌肉咁强壮。 记：出道超过10年，点形容依家嘅位置？ 容：好似坐喺一架飞稳咗嘅飞机，升到某一个高度，然後解开Seat belt，喺飞机任意行 ，望吓出面天空嘅舒服感觉。但我对自己好残忍，因为觉得可以进步，每一次工作都想 Keep住有啲唔同，所以无论系大小工作都会努力做到最好。 记：咁你点睇奖项？ 容：如果做得好自己会知，比如我做咗一张好唱片，会谂如果攞到最佳专辑奖就好嘞，但 其实仲未攞到，咁我知道一个奖项嘅由来，要经过天时同地利人和，细心去谂，我追求嘅 进步系咪嚟自奖项呢？奖项当然系好开心嘅礼物，但最紧要系自己心知追求紧乜嘢。 谈剩女 讨厌标签 记：系咪好抗拒畀人叫剩女？ 容：（认真地）我懒得理费事睬，乜嘢都有人讲，十几岁就话公主病同港女，乜都有标签 ，咁又代表乜嘢呢？冇意思罗，你都唔用心去感受每个人深一层，只睇表面及年龄，每个 人有佢特质同唔同性格，所以唔系有一个标签就概括晒。 记：EQ高咗？ 容：OK呀，我选择唔理，因为我同佢哋唔同层次。依家回应一啲报道，会尽量表现得体。 以前唔识，碰过钉，要吸取经验，但唔系话要圆滑要世界女。我好锺意睇番自己嘅访问， 因为有时唔知讲咗边句说话令人唔舒服，睇番就会知道，有时以为冇事冲口而出噏得就噏 ，我唔介意自嘲同幽默，但唔锺意畀人觉得系乱噏，有时环境逼到埋嚟会谂唔到嘢，其实 我应该拉拉链唔讲嘢，总之要喺适当时候讲嘢。 谈罗文 精神永在 记：有冇挂住师傅罗文？ 容：佢（指罗文）一直系里 面（指住心）唔会走，（去咗好远地方？）一份精神罗。有 时喺工作上少不免有少少挫折，我会上网Search片段，唔单止佢、仲有梅姐（梅艳芳）同 哥哥（张国荣），我都会自我勉励，要吸收佢哋成功之道，谂到每个成功者条路都唔平坦 ，嗰刻会得到一啲安慰。早排都有梦见师傅，喺梦境我同佢坐住架开篷车好开心。 记：学罗文开班授徒？ 容：我细佬本身唱歌好听，早排佢好苦恼咁问我，话自从马来西亚读书返嚟後，觉得唱唔 到歌，佢嗰时成日学周杰伦，首首歌都识，依家唱唔番啲高音，咁我就揸实佢个肥肚，同 佢讲要喺丹田用力，仲要幻想去厕所嗰度力。我教佢高音点上，气声点用。至於真正开班 授徒就有压力，做老师有好多责任，若然大家有兴趣同诚意，单对单都可以谂吓，我唔介 意分享唱歌心得，至於教唔教到你，我又唔担保喎。 谈朋友 阿诗交心 记：你圈中朋友好多，但同Wyman（黄伟文）呢几年好熟？ 容：我同Wyman呢几年熟落咗，都系缘分啦，有几次约食饭，共同嗜好都系时装，所以好 倾得埋。至於张敬轩佢一出道已经识，睇住佢一路进步，佢系一个重情义、感性及处事圆 滑嘅男仔，对朋友细心、对自己大意嘅人。 记：同何韵诗呢？ 容：我同阿诗就更加熟落，大家识咗11年，仲好记得同佢第一次喺铜锣湾出席活动时嘅画 面，我哋Sell嘅嘢系南辕北辙，大家唔同 Market，互相勉励，喺圈中好难得。 谈结婚着重眼缘 记：会唔会结婚？ 容：我想有个逍遥自在嘅人生，我享受这刻拥有，几时上岸？一样米养百样人，每个人幸 福路唔同，30岁先系人生真正开始，20岁系有青春，但乳臭未乾，冇乜人生经验，缘分嘅 嘢冇得自己安排，我相信自己唔会孤独终老。会唔会锺意细过自己嘅人？唔会谂，要靠眼 缘罗，要知道我锺意食乜，同埋要对我体贴温柔。 十载耕耘屡破纪录 一分耕耘，一分收获，容祖儿在过去十年不断突破自己，无论在唱歌及跳舞方面，也作出 新尝试，且在乐坛屡破纪录，成为「80後」女歌手表表者。 本月中举行第六次个人红馆演唱会，打破了以往纪录，成为首位十年内开六次演唱会的女 歌手，认真威水。 年初在劲歌总选大发雌威，一口气狂擸七个大奖，并超越谭咏麟和自己的五奖佳绩，成为 劲歌史上最多奖的女歌手，成绩斐然。 在2008演唱会演绎快歌《逃》时，作出45度倾斜高难度舞姿，并作出多个凌空及翻身动作 ，绝对「舞」得弹！ 五度蝉联《劲歌总选》「最受欢迎女歌星奖」，平了已故天后梅艳芳纪录！ 後记 恨假天后 贵为乐坛天后，容祖儿大部分时间奉献给录音室及舞台，本月中她於红馆举行第六次个唱 ，在她的人生字典中，似乎找不到「放假」两字，难怪她恨「假」恨出面。祖儿坦言明年 初计划小休，拟单拖去阳光灿烂的美国加州充电，体验生活，不过若要愿望成真，相信爱 女深切的容母，是祖儿最难过的一个关口呢！ 来源：http://tinyurl.com/2g5brvp --

※ 发信站: 批踢踢实业坊(ptt.cc) ◆ From: 114.24.107.82