我唔系见到港产片都会踩的人, 我都觉得功夫好睇 但呢次真系太令人失望! 我不会以动/漫画版头D去讨论, 如果要比动漫版, 无意思; 我入去之前都系预左当新戏睇 之前我都讲过, 角式/故事次序大兜乱同埋选角其实系无问题 问题系佢根本拍唔出原着神髓 首先, 最大卖点系飞车场面, 剩系呢个都绝不合格! 路边太多"假灯", 成条马路都系一支支绿色/红色柱灯, 搅到成个秋名山似正式场多过街; D观众摆位极之求其, 唔密集(其实呢点可以用镜头补位, 但有关方面无感做) 完全无黑夜飞车的感觉! 好失败! 背景音乐求其得来又极难听; 之前动漫版的高水准音乐/歌曲系无晒架! 果D飞车时的音效就以旁白代替!! 不过好似讲马感, 仲全程讲足晒喎! 内容讲得极求其, 好烦! 以识车既人黎讲, 死罪仲多: 全无音效可言, TURBO车连BOV声都无! 原着中EVO3个MISFIRING SYSTEM无左, 感觉争好远; 踩BRAKE时间, HEEL&TOE时间完全错误! 斗大直线点解要用争趾? 有关方面唔系当观众低能既, 不过系佢自己都唔明白争趾系出黎仲咩姐, 由不了解基本技 术的人来处理赛车场面, 真的太好笑了! 另外最简单的一个例子: 3车斗时FC堕後, 凉介为左要堕後要踩大BRAKE!!?? 车速禁快时要特登堕後, 其实只要缩油门便可以, 呢点唔好话渣过车啦, 真系打过机都知 只可以说, 佢地根本就无做到资料搜集! 可以话真的求其整D飞车镜头抄埋一旧就算! 日本人真系认真好多, 人家真系找专业赛车手做顾问 其实上述D野对唔识车既人黎讲可能唔明, 但稍为识车既人都知道呢D系好基本; 即系好似踢波踢出界就会有界外球感, 连基本知识都犯下严重失误, 实在不可接受 香港电影工业真的不可怪衰落, 不认真不自强又点会抵帮? 再说, 以电影论电影, 剪接, 分镜都极之低手 唔知大家有无睇过百份百感觉TV版? 佢就系成日用上果类急停/慢动作/同一画面以漫画式分格 讲真呢D效果只系D初学摄影先会用, 自已用DV贪过瘾整下就好玩姐!! 动画版都唔用呢D手法啦! 以我所知真系台湾/大陆剧集先会用架咋! 但呢D手法根本同个故事格格不入, 而且过份∂用, 效果极其恶劣!! 电影手法的不足亦影响到赛车时的观感 好似R32对86呢一段, 其实就系动漫中FD对86的一段 动画中启介慢慢见到後尾灯, 唔知咩车, 再在弯中见到86之影, 感觉惊吓, 再走极都走唔 甩, 成头大汗, 再比86过; 成段的描写真的用了好多心思去搅到观众热血沸腾, 人地真系用过脑架! 电影嘛, 一开始时都知系86啦~成条街禁鬼光; 余文乐见到, 笑; 之後比佢过, 无野个喎! 见住86走, 又系得个傻笑! 真系好鬼低能罗 但呢段已经系最好睇架啦, 因为无旁白..... 香港都有本土漫画讲斗车, 车又形又有欧洲车添! 但点解香港类似的竞技漫画无一套得? 因为当中内容无核心价值 成功的日本竞技式动漫其实有一个共通点: 都以自强不息, 遇强愈强为原则 无论竞技形式如何, 就算个敌人几黑人憎, 但到比赛时都系强调大家在公平的平台上分高 下 比赛完後大家都会欣赏敌手的存在对自己实力的提升, 唔会串来串咀 好似棋魂感, 我胆敢说根本99%既FANS都唔识捉围旗! 但棋魂就系好睇在个主角不断奋斗既 过程 足球小将亦然, 头文字D亦然! 只求观感上的刺激, 但内容空泛, 无用的! 导演/编剧就系连呢D禁基本既道理都唔察觉得到, 後来好多场链车只为令对手无FACE, 车手们为表现自己而玩命 帝皇队就系惨被描写成感, 完全系"港式黑社会斗气剧情"! 实在将原着的精神完全破坏! 令人气愤!! 去到日本上映香港人真系颜面无存 仲有太多想讲, 但已经好长; 在此我忠告各位(尤其系车迷/头文字D迷)千万不要入场睇 呢套野真系BT好了, 去买老翻我都觉得晒钱! 系感 --

※ 发信站: 批踢踢实业坊(ptt.cc) ◆ From: 59.104.212.162