每个生命诞生就获分配一个角色，人一生里在不同阶段，扮演不同角色，今年43岁的李克 勤身兼多角，既是歌手打工仔，为人子、为人夫，更做了两任爹哋，芸芸人生角色中克勤 认为「爸爸」一角最难做。 李：李克勤　 记：记者 爸爸经 记：做歌手难还是做爸爸难？ 李：当然系做爸爸难，歌手做得唔好，最坏都系唱片唔卖得，下次再做过，但爸爸做得唔 好就「掹」唔番，父母系仔女嘅榜样，好多生活上小节及坏习惯都会影响到小朋友，例如 踢波时唔好讲粗口，食饭唔好戙高脚，小朋友真系学得好快。 记：做爸爸最难嘅地方？ 李：条路好长好远，最少要照顾到佢哋到十八岁，责任先告一段落，细路仔系张白纸，做 父母要帮佢上色去画、帮佢发挥潜能，培养佢哋啲兴趣、专长，但唔可以逼佢哋做任何事 ，同我以前年代唔同，以前我哋所有知识来自父母、老师，但时代转变好多知识、资讯都 来自电脑，依家老师嘅说话唔一定啱，未必劲得过电脑。 长忧九十九 记：如果个仔锺意踢波，你赞成佢做足球员？ 李（微笑）：系罗！如果佢话拣踢波做足球员，都唔知点算好？虽然朗尼（曼联球员）踢 得几好，但踢波喺香港好难搵食！依家嘅细路又话有读书压力，畀先生闹几句，又要生要 死，仲未计有乜头晕身架，做父母真系长忧九十九。 记：凑两个细路系咪劳心劳力？ 李（骑骑笑）：依家返工当放假！佢哋有无穷精力，好似上链公仔，玩玩玩，玩完一大轮 就瞓，我要趁佢哋瞓咗，先可以做自己想做嘅事，睇番预先录起嘅球赛，个个做父母头几 年都系咁，畀到佢哋最好嘅礼物，就系相处嘅时间。 记：做人老公又点呢？ 李：放低晒！基本上我同太太（卢淑仪）都摆低晒，不过每年都会搵几日，两人去旅行玩 吓，咁样对夫妻感情都好重要，好似七月我哋就去了日本玩。 记：牺牲晒两公婆时间？ 李：个个family都系咁，决定生之前我哋共识晒，依家最重要系两个仔。 烂玩岁月 形象健康的克勤，在圈中称得上是廿四孝好老公、好爸爸，但克勤却自揭当年也有癫丧烂 玩一面。 记：咁多年你都冇乜绯闻？有冇怀疑过自己魅力？ 李（又笑）：系罗，返去检讨吓，连拍阿佘（佘诗曼）都冇事。惟有答我收得密啫，唔系 点呀？惊死罗！好多事系睇有冇机会，依家做完嘢我就返屋企，我过咗玩嘅年纪好耐，我 好早熟，廿几卅岁已经玩完。 孭「枪」入差馆 记：当年你好烂玩咩？ 李：我廿几岁时玩得好劲好癫，同无綫班老友劈到冧晒，喺街度饮酒大吵大闹，乜都试过 ，玩到孭住玩具枪入差馆，好得人惊，个段真系光辉岁月，不复当年啦。 记：谂番以前系咪感受良多？ 李：当年宝记（宝丽金）真系好似一个family，大家感情好好，成间公司一齐去韩国旅行 ，小凤姐（徐小凤）又招呼我哋去佢度打羽毛球，打乒乓波联谊，谂起都开心，依家真系 唔同晒，冇得返转头，其实依家环球比我2000年返去时已经好好多，最初真系散散哋，好 彩有精神领袖阿伦，佢地位崇高、德高望重，又得闲又诸事八卦，又锺意扯头缆，好难做 架，系佢先得，我自问唔得，佢真系冇得顶！ 情义两难全 被冠以「无綫契仔」之名的克勤，在四大唱片与无綫版税风波中，人气纵有损失，却赢得 「义气仔女」之名。 李：（哈哈）情义两难全吖嘛！谋求出路架，我系好直接嘅人，你对我好我对你好，人系 咁，你氹我，我氹你。我仲系第一个被无綫开刀，一年半载都走唔甩，预计差唔多啦，斗 气夫妇对个family都唔好，商业社会冇话倾唔掂。 记：坚持唔亮相其他电视台？ 李：我个case唔同，我同所有电视台都冇合约，都有上有线用广东话访问，情义唔系签边 度？无綫就似我嘅母校，感觉个关系好 close，我唔系冇谂过去其他电视台，但感觉怪怪 咁，唔系怕秋後算帐，暂时做访问ＯＫ，但唱歌做骚就未打破到心理关口，想好似以前咁 ，锺意以前个模式，其实大家关系好好，只系某些原因暂时不相往来，唔代表大家唔好。 歌手经 记：做歌手唔难咩？ 李：话难唔难，话易唔易，歌迷好简单直接，好听就畀掌声，唔好听冇掌声，甚至嘘你， 我唱咗超过廿年生存到依家，总有歌迷喜欢嘅原因，每次做碟一定有歌迷喜欢克勤嘅抒情 歌，但当然都要有新鲜感。 记：点样去讨好嗰班80、90後嘅粉丝？ 谂住唱到老 李：我唔会刻意去争去抢粉丝，每个人头上一片天，当然我嘅target唔系15、16岁歌迷， 但都有呢个age嘅粉丝，唔系占大比数啫，做歌手梗系想吸纳唔同年龄层面嘅歌迷，所以 每张碟都要求变寻新鲜感。 记：对自己在乐坛成绩点睇？有想过退休一日吗？ 李（又笑）：以我嘅条件仲唔算幸运！比上不足比下有余，如果今日埋单计数，我得到嘅 比我付出多，我谂住唱到老，除了做歌手，我仲识做乜呀？依家家庭负担、责任又大，我 仲要努力搵食，有唱片公司签我、仲有歌迷想听我唱歌，我都会继续唱做好份工。 来源：http://tinyurl.com/2wcofxg 报导图：http://ppt.cc/uj,f --

※ 发信站: 批踢踢实业坊(ptt.cc) ◆ From: 114.24.111.237 ※ 编辑: NANAer 来自: 114.24.111.237 (10/31 17:41)